影片
更多
2017-04-21
289 瀏覽
香港郵意呢間餐廳，聽就聽過好多次啦，但係今次都係第一次去，因為驚無位，所以預先係openrice book定檯，晚飯時段食滿$350仲有心太軟送添。為於安樂里既香港郵意明信片航海主題咖啡廳，地點比較隱蔽，唔係咁易搵到。餐廳以藍白航海為主調，門口仲有個紅郵筒，好有英式風格。話明係以郵政為主題，咁當然周圍都見到好多明信片同精品啦。呢D明信片真係賣架，仲要係店方自家製，設計好特別，價錢亦都非常合理添。餐廳廚房係半open kitchen，可以望到裡面既運作，幾得意架。餐廳係以自助形式，要自己執檯，咁樣店方就可以節省人手，同時間客人就唔洗俾加一。餐牌有兩版，設計簡單易明，我地點左兩份主菜，分別係珍寶全日早餐，同埋卡邦尼意粉。卡邦尼意粉: 煙肉碎份量十足，卡邦尼汁亦都好creamy，加埋軟硬適中既意粉，真係完美既配搭。珍寶全日早餐: 一間小型既咖啡店，估唔到只係全日早餐都有3個選擇。我地揀左珍寶全日早餐，價錢雖然比普通全日早餐係貴30蚊，但係真係大份好多，有腸仔，煙肉，三文魚，紫薯餅，牛角包，炒蛋，粟米同埋茄汁豆。最值得讚既係腸仔一D都唔油，仲好惹味，除此之外炒蛋亦都整得好滑，牛角包上檯時亦都熱
為於安樂里既香港郵意明信片航海主題咖啡廳，地點比較隱蔽，唔係咁易搵到。
餐廳以藍白航海為主調，門口仲有個紅郵筒，好有英式風格。
話明係以郵政為主題，咁當然周圍都見到好多明信片同精品啦。呢D明信片真係賣架，仲要係店方自家製，設計好特別，價錢亦都非常合理添。
餐廳廚房係半open kitchen，可以望到裡面既運作，幾得意架。
餐廳係以自助形式，要自己執檯，咁樣店方就可以節省人手，同時間客人就唔洗俾加一。
餐牌有兩版，設計簡單易明，我地點左兩份主菜，分別係珍寶全日早餐，同埋卡邦尼意粉。
卡邦尼意粉: 煙肉碎份量十足，卡邦尼汁亦都好creamy，加埋軟硬適中既意粉，真係完美既配搭。
珍寶全日早餐: 一間小型既咖啡店，估唔到只係全日早餐都有3個選擇。我地揀左珍寶全日早餐，價錢雖然比普通全日早餐係貴30蚊，但係真係大份好多，有腸仔，煙肉，三文魚，紫薯餅，牛角包，炒蛋，粟米同埋茄汁豆。
最值得讚既係腸仔一D都唔油，仲好惹味，除此之外炒蛋亦都整得好滑，牛角包上檯時亦都熱辣辣，仲好香添。唯一美中不足既係茄汁豆同埋粟米無整熱，如果可以整返熱俾客人就更加好啦，不過呢樣係香港並唔常見。
甜品我地叫左個70%朱古力火鍋。朱古力火鍋好多地方都食到，而點水果同埋雪榚就正常不過。呢到既朱古力火鍋，朱古力味好香濃，食得出唔係cheap牌子，每份除左跟一大碟水果同雪榚之外，仲有牛角包，真係豐富啦。
呈藍色既飲品並唔常見，以上呢杯「藍調」係用左椰子香奶同愛爾蘭酒調成，椰奶味好香濃，一路聽住中學年代既流行曲一路睇書，飲住呢杯帶椰香味既blue latte,真係非常寫意。
張貼
