Green Waffle Diner (嘉咸街) (已搬遷) 新店位置

今日同朋友去開中環想食Tea，記得同事話附近有間Green Waffle好食， 即search下～ 搵左陣，原來店是在寧靜的斜路旁，外型簡約舒適，店內通常是情侶或兩三朋友光顧，不嘈雜，係傾計歇腳的好地方。先點前菜煙肉薯粒鑊仔，煙肉香脆而味濃，薯仔加芝士很香口，配搭攪勻的半熟蛋很滑口，最欣賞係加左爽口青椒片，令整體口感油而不膩～後上甜品火焰肉桂香蕉窩夫加雪糕，賣相吸引，上菜時已聞到陣陣的甜香。暖呼呼的窩夫本身已富蛋香，加上朱古力及楓糖漿的香甜，再配襯軟軟的焦糖香蕉及香濃的抹茶雪糕，口感層次豐富，吃完有種幸福的感覺，同事果然無介紹錯～朋友點了The Pink Lady，我試了一口，士多啤梨很鮮甜不會酸，同時飲到淡淡的桃香及蘋果香，整體味道很清新又不會太甜～總結，其間有店員主動加水，服務不錯，食物份量算多，同朋友Share食每人夾百幾蚊歎到好味又飽肚的Tea，抵！