影片
更多
2021-04-16
25 瀏覽
最近工作辛苦，會特別珍惜假日，去一啲舒服休閒嘅地方放空。本來西貢、赤柱或者去郊外係一個好選擇，不過最近疫情舒緩咗，好多人都開始「出動」，原本休閒嘅地方反而人頭湧湧，變得不休閒。要搵呢啲休閒嘅地方其實唔需要去到好遠，喺西環堅尼地城呢邊，亦都可以沿海漫步，輕輕鬆鬆過一個下午。呢度冇一般假日熱點咁多人，而且酒吧林立，好多外籍人士踢住對拖鞋喺度飲酒談歡，好有休閒感覺。見到呢種休閒感覺我哋都諗住搵間酒吧飲杯酒食吓野，見到【黨99】呢間酒吧裝修都幾有格調，仲有買一送一Cocktail優惠就揀咗呢間啦。【Espresso Martini】鍾意飲咖啡嘅揀啲杯Cocktail就啱晒啦，佢係用伏特加、咖啡利口酒、Espresso調配而成。咖啡味都幾濃，甜甜地幾好飲。【Fiery Mars】呢杯叫火熱火星，有鹽粒、黑芝麻圍繞杯邊，好似太空入邊嘅碎石咁，而火紅色嘅顏色就好似火星咁，其實佢係用啤酒、蕃茄汁、辣椒仔同埋檸檬汁製作嘅，係味道酸酸辣辣嘅酒，幾刺激吓～慢慢品嚐完Cocktail就醫肚啦。【炸豆腐】一粒一粒炸到金黃色嘅豆腐磚，入面仍然保持Q彈軟腍，豆味濃，必點之選。【露荀】比預期中細。【白鱔】外皮燒到脆卜
要搵呢啲休閒嘅地方其實唔需要去到好遠，喺西環堅尼地城呢邊，亦都可以沿海漫步，輕輕鬆鬆過一個下午。呢度冇一般假日熱點咁多人，而且酒吧林立，好多外籍人士踢住對拖鞋喺度飲酒談歡，好有休閒感覺。
見到呢種休閒感覺我哋都諗住搵間酒吧飲杯酒食吓野，見到【黨99】呢間酒吧裝修都幾有格調，仲有買一送一Cocktail優惠就揀咗呢間啦。
【Espresso Martini】鍾意飲咖啡嘅揀啲杯Cocktail就啱晒啦，佢係用伏特加、咖啡利口酒、Espresso調配而成。咖啡味都幾濃，甜甜地幾好飲。
【Fiery Mars】呢杯叫火熱火星，有鹽粒、黑芝麻圍繞杯邊，好似太空入邊嘅碎石咁，而火紅色嘅顏色就好似火星咁，其實佢係用啤酒、蕃茄汁、辣椒仔同埋檸檬汁製作嘅，係味道酸酸辣辣嘅酒，幾刺激吓～
慢慢品嚐完Cocktail就醫肚啦。
【炸豆腐】一粒一粒炸到金黃色嘅豆腐磚，入面仍然保持Q彈軟腍，豆味濃，必點之選。
【露荀】比預期中細。
【白鱔】外皮燒到脆卜卜。
【雞翼】鹽燒雞翼，相當惹味。
【黑豚肉】黑豚肉就肥瘦適中，油脂都幾豐富。
【牛肉稻庭烏冬】牛肉份量都幾多，仲有洋蔥、蒜片提味；稻庭烏冬細嫩幼滑，一食就想滑入喉嚨咁～
【US Prime Rib eye】美國優質肉眼扒，上碟時已切成一塊塊方便分享share食。肉質鮮嫩，非常多汁，絕對係高質嘅牛扒。
享受完美食美酒，再沿住海邊夜遊好有懷舊feel嘅堅尼地城，海風輕拂，非常輕鬆寫意～
張貼
