意粉屋 (已結業)

早前知道呢度新開左間意粉屋，終於有機會去食啦。間舖都幾大下，環境又闊落，都算坐得幾舒服。又可以望下街景。今次叫左個酥皮湯餐。龍蝦酥皮湯呢個湯配酥皮真係好正，又幾多龍蝦肉。將酥皮浸入湯先飲，個感覺都唔錯。呢個湯係貴小小，但我覺得係值既。芝士焗肉醬意粉我最鍾意面頭既芝士，可以拉到好長。肉醬既味又夠濃，再有機會想食多次呀。椰林相思好飲，花奶配上椰漿再加埋一球雪糕。真係一杯好正既飲品，而且紅豆軟硬適中，簡直係一絕呀。今餐真係好飽，實有下次既。