影片
更多
2022-08-03
1238 瀏覽
同朋友放假，想坐低傾下偈、飲杯野，玩下遊戲，咁啱搵到旺角呢間樓上咖啡店「Rimi Cafe」。睇左餐廳網頁，知道呢度除左提供即製食物同飲品外，更設有大量桌上遊戲、旅遊雜誌、免費手機充電同免費 Wifi 等，啱晒我哋兩個慢慢 hea、慢慢傾。餐廳環境十分舒適，佈置簡約，以休閒設計為主，除了梳化卡座，另外亦設有塌塌米座位，配以落地大玻璃，採光度十足，感覺份外開揚。我哋每人點左一個 Main Course，每個午餐均奉送精選餐湯、蒜蓉包及烏龍茶或四季春茶系列飲品一杯，如果想轉其他系列飲品，亦只需補回差價。今日嘅餐湯係椰菜花忌廉湯，椰菜花打得好幼細，湯身濃稠適中，入口綿滑香濃。蒜蓉包烘得好脆口，帶陣陣蒜蓉同牛油香，配餐湯吃，美味。鮮蝦蒜辣炒天使麵 ($106) 天使麵即叫即炒，麵質爽滑，食落不油不膩，帶蒜蓉同辣椒香氣，非常醒胃。蝦大概有 5、6 隻，份量不少，而且全部都已去殼，食得好方便，入口鮮甜爽彈，配上菌香十足嘅鮮菇，超惹味。香草烤春雞配薯菜 ($124) 春雞原隻上，外皮烤得好香口，色澤盈潤，用手撕開仲有肉汁流出。雞肉嫩滑入味，入面釀滿了香料、洋蔥同蒜粒，入口啖啖滋味。配菜亦唔輸蝕，
同朋友放假，想坐低傾下偈、飲杯野，玩下遊戲，咁啱搵到旺角呢間樓上咖啡店「Rimi Cafe」。
睇左餐廳網頁，知道呢度除左提供即製食物同飲品外，更設有大量桌上遊戲、旅遊雜誌、免費手機充電同免費 Wifi 等，啱晒我哋兩個慢慢 hea、慢慢傾。
餐廳環境十分舒適，佈置簡約，以休閒設計為主，除了梳化卡座，另外亦設有塌塌米座位，配以落地大玻璃，採光度十足，感覺份外開揚。
我哋每人點左一個 Main Course，每個午餐均奉送精選餐湯、蒜蓉包及烏龍茶或四季春茶系列飲品一杯，如果想轉其他系列飲品，亦只需補回差價。
今日嘅餐湯係椰菜花忌廉湯，椰菜花打得好幼細，湯身濃稠適中，入口綿滑香濃。蒜蓉包烘得好脆口，帶陣陣蒜蓉同牛油香，配餐湯吃，美味。
鮮蝦蒜辣炒天使麵 ($106) 天使麵即叫即炒，麵質爽滑，食落不油不膩，帶蒜蓉同辣椒香氣，非常醒胃。蝦大概有 5、6 隻，份量不少，而且全部都已去殼，食得好方便，入口鮮甜爽彈，配上菌香十足嘅鮮菇，超惹味。
香草烤春雞配薯菜 ($124) 春雞原隻上，外皮烤得好香口，色澤盈潤，用手撕開仲有肉汁流出。雞肉嫩滑入味，入面釀滿了香料、洋蔥同蒜粒，入口啖啖滋味。配菜亦唔輸蝕，有薯仔、紅蘿蔔同沙律菜，有營又健康。
跟餐飲品點左芝士奶蓋珍珠奶茶 (+$15) 同 百香果沙冰 (+$16)。奶茶好滑溜，甜度適中，珍珠煙韌彈牙。面層嘅奶蓋加左芝士，入口鹹甜兼備。另外杯百香果沙冰，味道亦一流，入口酸酸甜甜，冰涼透心，夠晒消暑。
張貼
