木衛二鑄茶所 (The Eastmark) (已結業)

今日黎左呢間木衛二，試左個木衛紅奶霜奶茶($42) 加茉莉綠茶凍(+$6) = ($48)一開始我睇錯左個餐牌，以為加茶凍吾洗錢。😀不過都係加6蚊啫。一飲入口，個阿薩喵奶茶茶香直接衝上腦。奶茶味夠香夠滑身。少甜對我黎講，甜度已經ok。芝士奶蓋既質感較輕盈，有芝士咸味。一咸一甜，點會吾好飲呢？😹而奶蓋上面既花瓣其實好鬼碎，我諗都係噱頭野黎嫁啫。個奶茶店員會主動幫你走冰，但飲落都係冰凍既。茶凍隻味吾算出，會比奶蓋遮左隻味。要飲到中間位，飲吾到奶蓋既時候，先食到個茶凍味。茶凍主要得綠茶味，吾太覺有茉香味。🧐環境方面，白色既格調望落幾簡約、舒服。有落地玻璃可以望到對面樓。不過樓上裝修緊，不停有電鑽同裝修佬係咁大大聲講野同講粗口。😂我見隔離枱個肉餅蒸飯幾香，隔左兩三米都聞到飯香，之後有機會可以一試。🤪整體黎講茶飲雖然有少少貴過出面，都依然值得一試。