忘筌茶室

營業中

休息中

平時放工都會去揼下骨放鬆下，而我平時揼開骨間鋪頭隔離就開左間茶室！之前裝修緊都有偷偷地過去望下，主打日本風。今日見已經開張就過去踩下場，地方都幾大，但只系放左幾張枱，所以坐得好舒服，而且人流吾會好多，好適合休閒坐下or幾個朋友傾下計🥰呢度淨系飲老茶，咖啡，花茶。我就叫左玫瑰花花茶，花茶有好幾個款，都幾濃郁！朋友仔就叫左咖啡，我就吾系好識飲，不過朋友就話好香好滑，好飲過岀面d連鎖店！而且每個客人都會送反個cupcake俾你！好貼心😘真系好似闊太咁，嘆吓茶食個cake🧁☕️呢間茶室仲放左好多日本鐵壺&銀壼，一開始我以謂系裝修擺設，原來係可以買㗎！老闆就好親切咁介紹，原黎拎黎煮水系好健康！而家好多香港人都追求健康就岩晒，有興趣既朋友仔可以上去望下呀⋯⋯跟住老闆仲用個鐵壼沖茶俾我地試下，平時我好少飲普里茶，覺得好澀好苦，但原黎用鐵壼沖茶真系唔同d，會變得又香又滑👍👍👍最後我就冇買野，只系飲左杯茶，老闆同我傾左個幾兩個鐘，我都吾好意思，不過老闆真系好好人，當我地系朋友甘傾下計，仲教左我地好多知識☺️因爲服務真係好好 ，所以特登上嚟表揚一下老闆😚