有情有意 (已結業)

去演唱會不二之選就係附近商場，今次我地早到可以食到下午茶，看到這裡下午茶$48都抵食而仲有梳化位就入左去坐。點知見到原來係聾健人士的餐廳，佢地點餐可以用餐紙的圖十分方便。覺得有點面善，細問之下原來觀塘也有分店，之前在觀塘幫襯過都好食，所以今次都十分期待。當然這裡的待應服務態度都十分好，非常滿意。食品當下午茶剛好，下次可以再試佢其他主菜，因為見到隔離桌都十分吸引。煙三文魚田園沙律伴柚子沙律汁…蔬菜十分新鮮好脆口，柚子醬汁好清新而香，微酸好開胃，中間有煙三文魚花，拆開有2件，味道十分濃郁…配上吾同的蔬菜一起食好味喎。叫甜品set加多$20仲可以任叫蛋糕和特飲當然冇錯過啦，今次主打叫左意大利芝士餅，紐約芝士餅，藍莓芝士餅，最後仲叫左黑芝麻豆腐芝士餅…芝士餅細細件吾錯可以食多幾款，芝士味都幾濃郁，藍莓味香有果肉，意大利芝士餅味道吾太多酒，味道不錯。黑芝麻豆腐就偏淡左少少，整體吾太甜可以一試。飲品方面就叫左檸檬梳打…原來黎到玻璃樽裝，味道清甜吾太甜吾錯。朋友就叫左有機茉莉花茶…之前已經在觀塘飲過，味道濃郁茉莉味而清香。