Tea WG Salon & Boutique (已結業)

又到休閒嘅星期日，同屋企人去左兜兜車，順便去elements行吓街，食個下午茶😋到餐廳時因為咁啱兩張枱分開，所以未可以入座住，之後服務員好好心咁幫我地將兩張枱合拼埋俾我地，等嘅時間大約5分鐘內～我地大概3:40入座。呢度嘅環境夠光猛，裝修簡潔，一罐罐嘅茶擺係一格格嘅櫃上面，茶嘅品種超過100，另外有一個玻璃櫃裝住一件件蛋糕同埋唔同顏色嘅macaroon，可以一目了然。我地分別叫左3個唔同嘅下午茶，媽媽叫左個scone同macaroon，爸爸叫左個蛋糕🍰同macaroon，我叫左個croque monsieur 同macaroon。我個三文治因為要煎所以最後先黎。味道一路保持水準👍🏻，賣相👍🏻，服務都OK。餐廳約4點有幾個遊客入左黎，講嘢比較大聲，又係度行黎行去，令餐廳環境有啲嘈😑，不過打開門做生意呢啲嘢無得避免，係希望啲遊客唔好覺得自己去旅行大晒，要注意言行舉止。