語命Cafe (已結業)

同朋友出開旺角行街 行到攰突然好想去cafe坐下 就搵到呢一間語命cafe😋地方有啲難搵 入面環境都唔錯 我地坐喺梳化凳到 坐得都好舒服因為臨近聖誕節周圍都報置咗唔少嘅聖誕裝飾😍仲有一啲board game可以玩我同朋友唔算太肚餓 所以就叫咗一個main dish一個茶餐食main dish叫咗個推介嘅卡邦尼意粉份量都好足 同埋好好食😋卡邦尼汁幾濃 仲落咗好多芝士粉😍佢用嘅意粉喺比較幼身嘅意粉 亦都唔會煮得太淋 加埋煙肉一齊好好食🤤茶餐叫咗雞翼配蜜糖芥末醬 配埋少少沙律菜幾清新😋 雞翼炸得香口 配上香草同埋芥末醬 味道會更突出😋飲品叫咗一杯蜜桃檸檬茶同埋星座水果茶蜜桃茶唔會話好甜 可以自己落糖自選甜度 就算唔落糖已經幾好飲😋蜜桃味好香好突出星座水果茶有雜果茶嘅水果味😋甜甜地幾好飲😋 仲會有個小蠟燭幫壺茶保溫 可以keep住溫度 同朋友傾耐啲計都仲得😋唔使怕杯茶會凍咗cafe仲會提供占卜比我地試不過今次我同朋友冇試到 嚟呢間cafe食嘅話都可以試下😆