1/10 (已結業)

上星期五即係中秋正日剛好公司可以放早收4點，放咗工就去咗一間想去好耐的Cafe 1/10 。上到鋪頭已經見到有好多人已經坐咗係度，而我就先叫咗杯Flat White 加多件海鹽焦糖芝士蛋糕，之後就比係玻璃房的店長吸引住，店主見到我問可唔可以同貓貓影相佢都好好客叫醒貓貓比我影，令我有啲唔好意思。之後有位我就坐低先上的係蛋糕，之後就係一杯有好靚拉的兔仔拉花的咖啡，我先試蛋糕初初諗海鹽焦糖芝士蛋糕會唔會好甜，點知入口唔甜之餘仲有淡淡的芝士味，因為可能有海鹽的關係所以唔覺得甜味道剛剛好。而咖啡方面入口偏苦而回甘的味道好好，唔會覺得味道過苦，而咖啡師好專業介紹及講解客人飲的特別咖啡。而係用餐的過程發現店內大多數係熟客，而且店主佢地都好好有空檔時間會同客人交流，環境方面主要係享受休閒為主，係忙碌中如果有時間不防一試。