Caffe Kenon (已結業)

提早左2日買飛睇與神同行2，不過對比第一輯，今輯其實有d失色。睇之前已經諗住夜晚食呢間cafe，平時放工搭車經過已經都有少少想試，今日就一於食佢。唔知平時係咪咁少人嘅關係，入座嘅時候得一枱，心諗會唔會。。。不過算啦，既然入左來都試下。其實環境真係幾舒服，叉電位好齊，好適合傾計嘅地方。我地叫左辣魷魚蕃茄汁意大利麵，意粉嘅質感適中，唔會太腍，辣汁同蕃茄嘅味道剛剛平衡，不錯。另外仲叫左鮮雜菌意大利飯配松露油，芝士味好濃，飯有少少腍，可能煮耐左少少，加上松露油，確實將意大飯提升一個層次，不過略嫌少少鹹。野飲就叫左茉莉花茶，其實即係茶包，ok 啦。