Oggi (已結業)

位於炮台山同天后之間嘅西式餐廳，位置都唔難搵，一點鐘去到都唔使等位~環境都幾好有好多畫嘅擺設，好有氣氛❤️有兩塊麵包食仲脆脆地添!!加上牛油就一流!!沙律酸酸甜甜幾開胃，有梨同埋車厘茄😛呢個香蒜蜆肉意粉真係好好食！好香香草同蒜蓉味，啱晒啲鍾意重口味嘅人！ 而且蜆肉嘅份量好多啊👻💛呢個西冷牛扒亦都係不得了！叫咗五成熟，唔係好多筋，啱啱好！配上薯蓉同埋芥末醬，好正叫咗熱咖啡同凍咖啡☕️仲有甜品添一個係荔枝糯米糍雪糕同埋抹茶嘅糯米糍雪糕🍦睇嚟講一個set包咁多嘢食好滿足呀！