影片
更多
2018-07-18
728 瀏覽
茶木本身係我心目中嘅形象都幾不錯嘅，事關男朋友住喺屯門，我哋成日喺茶木打躉，嗰度嘅環境非常之舒適，又有Wi-Fi ，又有得充電。今日OT到九點幾，媽媽又差唔多時間先放工，就約咗媽媽去草木度食嘢，諗住食好啲慰勞吓自己呀嘛。可能因為都有少少夜嘅關係， 九點三左右就已經冇咩人，好容易就有位坐。平時都係食開麵多，今次就諗住試吓一啲台式嘅傳統口味會唔會同香港嘅好大分別。我哋叫咗地瓜炆牛坑腩（ ＄65 ) ，一上枱心入邊嘩左一聲，唔係因為覺得佢好似好好食好吸引咁，而係60幾蚊個牛坑腩個碗連手掌嘅大細都冇，又唔係咩名貴食材，兩個人食咗六七舊牛肉，地瓜得小貓三四隻，我都唔知夠俾媽媽食，定夠我食。姑且抱住最後一絲希望，諗住物以稀為貴，可能味道會有啲驚喜掛，咪道好都叫條氣順d。點知味道方面都只係不過不失，冇乜驚喜，同埋點解我叫牛坑腩，係僅有嘅六七舊牛肉入邊，有三舊都係得牛根無肉嫁呢，然後牛筋係可以咬極都咬唔難嘅。同埋下低嗰個嘅加熱器，由頭到尾都無着過，究竟佢係裝飾黎定真係要黎加油嫁呢？點解服務員將菜上檯嘅時候，唔望望佢有無著緊嫁呢？另外在叫咗個古早三杯杏包菇秋葵，（＄66 ) ，又係極品，個份量又係小到得
今日OT到九點幾，媽媽又差唔多時間先放工，就約咗媽媽去草木度食嘢，諗住食好啲慰勞吓自己呀嘛。
可能因為都有少少夜嘅關係， 九點三左右就已經冇咩人，好容易就有位坐。
平時都係食開麵多，今次就諗住試吓一啲台式嘅傳統口味會唔會同香港嘅好大分別。
我哋叫咗地瓜炆牛坑腩（ ＄65 ) ，一上枱心入邊嘩左一聲，唔係因為覺得佢好似好好食好吸引咁，而係60幾蚊個牛坑腩個碗連手掌嘅大細都冇，又唔係咩名貴食材，兩個人食咗六七舊牛肉，地瓜得小貓三四隻，我都唔知夠俾媽媽食，定夠我食。
姑且抱住最後一絲希望，諗住物以稀為貴，可能味道會有啲驚喜掛，咪道好都叫條氣順d。點知味道方面都只係不過不失，冇乜驚喜，同埋點解我叫牛坑腩，係僅有嘅六七舊牛肉入邊，有三舊都係得牛根無肉嫁呢，然後牛筋係可以咬極都咬唔難嘅。同埋下低嗰個嘅加熱器，由頭到尾都無着過，究竟佢係裝飾黎定真係要黎加油嫁呢？點解服務員將菜上檯嘅時候，唔望望佢有無著緊嫁呢？
另外在叫咗個古早三杯杏包菇秋葵，（＄66 ) ，又係極品，個份量又係小到得人驚，個碟白色嘅範圍仲多個菜嘅本身，性價比可以再低啲，有十零條秋葵，味道方面都只係不過不失。
點解話性價比低，事關呢兩道菜都係無跟飯，我嗌兩個菜，仲要額外再加白飯，白飯仲要＄12一碗，食水可以有幾深，呢度只係民區嘅商場！由於實在太唔划算，就淨係叫咗一碗飯，返去再食嘢。
性價比唔高其實我本身都冇乜所謂嘅，最多嫌貴咪下次唔嚟食囉，窮人咪去返窮人嘅世界囉。
我哋嘅餸啱啱先上枱，都未開始食，你哋就過嚟問我哋仲有冇野想要，我哋last order 啦，我哋都唔緊要。
但係我九點三先點菜，九點半先來第一個菜，因為份量少，眨吓眼就食晒跟住再等多5分鐘到，第二個菜先至再上嚟，嗰陣時係九點四十一分，我哋仲喺度食緊嘅時候候，個碟上面都仲有兩條秋葵，突然之間有個女侍應生，伸手過嚟想收走秋葵隻碟，我同媽媽勁錯愕，嗱嗱聲同個女侍應生講：我哋未食完。過多半分鐘，我哋將果兩條秋葵都放咗入口，唔知個女侍應生係咪吼住我哋，一放入口，佢就再嚟收走我哋嘅碟。
你趕住放工嘅話都可唔可以唔好做得咁明顯？我哋喺呢間餐廳只係短短咁樣逗留左半個鐘，個鐘都未夠10點，全間餐廳個氣氛都係好似趕客咁。究竟呢間餐廳有冇尊重過過客，當客係乜嘢野？
張貼
