CHIC Italian Cuisine and Oyster Bar (已結業)

同至愛嘅人去紀念一啲特別嘅節日，當然要 揀一啲較為高級嘅餐廳。除咗食物嘅質素要好之外，餐廳嘅環境都係非常之重要㗎!今次呢到尖沙咀, 呢一間餐廳就包含咗呢兩樣要素。 餐廳嘅環境無論係室內環境,裝橫格調,都顯出有一個高雅脫俗嘅感覺。 座位亦見寬敞舒適, 佈置精美。 頭盤有蕃茄,薯條,豬肉腸,炒蛋同埋巴拿馬火腿。 炒蛋非常之嫩滑,好香香草味。薯條較為幼身，表面加了胡椒粉，好惹味。番茄好新鮮好甜，夠多汁。巴拿馬火腿，切得好薄，咬落好有鹹香味，肉質軟熟。豬肉腸較為油膩，啖啖肉。 主菜叫咗大蝦長通粉。長通粉配以番茄汁，食落好醒胃。 大蝦都好新鮮，彈牙，份量亦夠多。長通粉較硬身，如果軟啲就更加好味。 5成熟嘅rib eye steak, 一上碟已經覺得佢好香。外層煎得剛好，有焦香味。牛扒軟熟而不膩，牛肉味雖不算濃，但肉汁搭夠。 最後奉送一道小甜品，甜品以奶油慕斯是為主，上面加上一啲脆脆，食落口感軟滑有層次。