Lava Java 咖啡西餐廳 (已結業)

同朋友係觀塘食飯，平時都係APM食算，今日俾朋友帶到工業區個邊食野，估唔到又唔錯Wor。呢間Cafe環境係幾日系簡約，感覺都幾舒服。我地叫左兩個Dinner set, 跟餐前菜有羅宋湯同埋一口法式田螺酥盒，先講羅宋湯，我幾鍾意呢個羅宋湯幾清，唔會有層油係上面，至於一口法式田螺酥盒都幾有特色，酥皮好酥脆，入面既田螺都幾大粒配埋芝士好香。 法式燒春雞 $206呢個絕對係驚喜之作，燒春雞既皮好薄脆，唔會有層油脂係上面，而且好香，而雞肉亦比想像中嫩滑，配菜係烤雜菜，一樣出色，真係幾正。安格斯肉眼扒  $268呢個扒我地要左5成熟，不過其實佢都6成熟架喇，好彩牛扒肉質都唔會好鞋，同埋都有肉汁，整體黎講不過不失。 餐飲朋友加錢要左Matcha Latte, 有個好可愛既青蛙係入面，係幾有心思既，同埋抹茶味都真係幾濃。