更多
2024-05-31
306 瀏覽
下晝2:00食完飯想搵個地方坐,附近餐廳好多都2:30先有下午茶,一間牛小子麵館麵館,2:00就開始下午茶,舖頭裝修好新,好似唔係開咗好耐,咁啱又有張卡位,可以坐得舒舒服服,就入咗去坐。呢一間牛小子麵館,應該係主打牛三寶牛腩,不過因為頭先晏晝食得太飽,所以就試吓佢比較輕盈嘅下午茶,我哋兩個人分別叫咗一個芝士蘑菇雞翼餐,同一個吉列豬扒餐,一個沙律另外一個配薯格,吉列豬扒好大件,另外佢嘅芝士蘑菇雞又好出色,下午茶時間見到呢間餐廳都keep住坐滿枱,味道係唔錯嘅,不過幾十蚊嘅茶餐廳唔好要求有太多嘅服務,簡簡單單有個位置坐乾淨企理就可以了。
張貼