Sole Coffee (已結業)

朋友喺外國返來，難得有時間見一面，於是揀左 佢屋企附近這一間小店，享受一下久違嘅二人世界。雖然餐廳面積小小，但都可以揀坐吧台，望街景，亦可以坐餐枱，睇住開放式廚房，聞住陣陣咖啡香。收銀枱附近放有水壺，可以讓客人自助斟水。雖然餐牌嘅all day breakfast都好吸引，但朋友對雞蛋敏感，所以我地就揀左三文治同埋意粉。侍應不單好有禮貌，仲好細心提醒我哋三文治入邊嘅沙律醬都有機會含有蛋成份，主動提出幫我地剔除，真係要讚賞一下。菠菜忌廉煙三文魚意大利麵煙三文魚擺到好似玫瑰花一樣，非常精緻。菠菜忌廉汁好creamy，而且濃郁，每條麵條都有做到掛汁嘅效果，唔錯。麵條質感有嚼勁，我很喜歡。慢煮美國prime級下肩胛翼板肉三文治配粗薯條三文治烘得香脆，胛翼板肉牛味唔算強烈，但肉質唔會太韌，配合埋爽脆蕃茄同生菜，整個三文治嘅層次豐富了。粗薯條表面撒了少許鹽，超脆而且夠味。Hojicha latte，焙茶味幾香，奶味略重。Kimono即係green tea，茶味清香，而且可以添水。侍應態度友善，環境舒適，真係讓我地享受左個休閒寫意的下午。