Puppuccino (已結業)

將軍澳開咗條新將藍隧道，朋友約我駕車入將軍澳體驗下，晚上去將軍澳海濱長廊搵食，朋友話有間Puppuccino ，食物同環境都唔錯，帶我去食返餐，餐廳環境優雅，設室內外座位，主打優質fusion 菜，因為餐廳係可以帶愛寵一齊入座，所以還提供健康的寵物餐單。招牌海鹽黑椒烤雞半份，即叫即烤，烤雞色澤金黃，肉嫩入味，醬汁有多款選擇，揀咗招牌蒜蓉牛油汁和秘製黑椒汁，前者蒜蓉牛油汁帶點咸味，十分香濃。後者黑椒汁的辛香帶來口味上的刺激，十分惹味！還有酸物伴上，可以解膩醋胃。巨型豬鞍排配紅菜頭牛油果莎莎，豬排厚切，以吉列方式炸至金黃色，外脆肉嫩，配上紅菜頭牛又莎莎有清新口味！植物肉醬芝士薯條，值物肉醬口感濕潤，反而沒有原本動物肉的羶味，既是素食，卻不失惹味。薯條係即炸，十分香脆。法式焗薯角又香又脆，佐酒一流！