燒味滷師 (富榮花園) (已結業)

今日去富榮花園探朋友，返來時見對面開咗＂燒味滷師＂之前食過覺得味道幾好，決定今晚唔煮餸，偷懶斬料回家食。至尊燒鵝下庄$120燒鵝皮燒得好香脆，肉質嫩滑帶汁，油香四散，點上酸梅汁，一啲都唔油膩，有水準。叉燒半斤$40食燒味又點少得人人都愛嘅叉燒，叉燒蜜糖味濃郁，肉質紮實，肥瘦適中，家人至愛。客家鹽焗雞半隻$35名叫鹽焗雞，但一啲都唔鹹，皮薄肉質嫩滑，超抵食。泰式鳯爪$32唔辣無骨鳳爪酸酸甜甜，爽口彈牙。