影片
更多
2019-09-11
2912 瀏覽
總評： 主打優質食材，味道好，價錢合理。有時惠顧滿$150 送$50 現金券。呢一間餐廳幾乎是我我飯堂。食的次數多到唔記得。早餐OK, 下午茶就唔算抵，晚市反而最推介。一個dish平均都是$90左右，用埋$50優惠，二人埋單百幾蚊已食得好滿足。佢一個餐有餐湯跟包, 或招牌Alfafa沙律，一個主菜，加飲品。湯通常係磨菇湯或雜菜湯。磨菇湯是由新鮮啡磨菇打成，粒粒菇口感豐富，非常香濃。Alfafa的包也出色，最愛洋蔥包同芝麻包，但晚市好多時呢兩種包已冇晒， 佢地會跟一片香脆多士。 括招牌Alfafa沙律亦是呢度嘅皇牌推介。跟餐沙律而言，用料異常豐富，有羽衣甘藍，牛油果，車厘茄，西蘭花，杏仁片，蘋果，杏脯乾，提子乾，藜麥。牛油果creamy, 西蘭花crunchy, 茄仔清甜，加上香口杏仁片同有甜美煙韌的乾果，超新鮮高質，撈上似有還無的Caesar醬汁，醬汁沒有令成個沙律得返一種味，反而是突出了每種食材自己的味道，正到不得了。呢個沙律水準媲美Simplylife等沙律專門店，以西餐廳而言是贏人九條街的質素，絕非那些幾片西生菜幾粒罐頭粟米的劣質沙律可比。有時一小碗跟餐的沙律不夠喉，就索性叫re
呢一間餐廳幾乎是我我飯堂。食的次數多到唔記得。早餐OK, 下午茶就唔算抵，晚市反而最推介。
一個dish平均都是$90左右，用埋$50優惠，二人埋單百幾蚊已食得好滿足。
佢一個餐有餐湯跟包, 或招牌Alfafa沙律，一個主菜，加飲品。湯通常係磨菇湯或雜菜湯。磨菇湯是由新鮮啡磨菇打成，粒粒菇口感豐富，非常香濃。Alfafa的包也出色，最愛洋蔥包同芝麻包，但晚市好多時呢兩種包已冇晒， 佢地會跟一片香脆多士。
括招牌Alfafa沙律亦是呢度嘅皇牌推介。跟餐沙律而言，用料異常豐富，有羽衣甘藍，牛油果，車厘茄，西蘭花，杏仁片，蘋果，杏脯乾，提子乾，藜麥。牛油果creamy, 西蘭花crunchy, 茄仔清甜，加上香口杏仁片同有甜美煙韌的乾果，超新鮮高質，撈上似有還無的Caesar醬汁，醬汁沒有令成個沙律得返一種味，反而是突出了每種食材自己的味道，正到不得了。呢個沙律水準媲美Simplylife等沙律專門店，以西餐廳而言是贏人九條街的質素，絕非那些幾片西生菜幾粒罐頭粟米的劣質沙律可比。
有時一小碗跟餐的沙律不夠喉，就索性叫regula size當主食。近排佢地有丹麥日式叉燒,配埋沙律真是無敵正，多菜少肉走澱粉，啱晒做晚餐， 健康美味, 令人滿足。
佢地其他熱食都不錯，最欣賞有骨豬柳天使麵，豬柳鲜美多汁，天使麵條條分明，撈上橄欖油，伴碟是5-6粒車厘茄同西蘭花，唔怕唔夠菜。簡單美味有營。
以價錢，位置，味道，營養而言，呢間絕對是飯堂之選。
張貼
