影片
更多
2020-01-16
321 瀏覽
鐘意食日本菜又點少得廚師發辦，今次揀咗位於元朗仁樂坊嘅《鮨文》。餐廳面積唔係好大，反而有利於師傅同食客邊食邊交流。師傅喺每上一道菜之後都會介紹食材特色、產地同製作方法加深食客嘅了解。茶碗蒸 - 最上層係加有金箔嘅黑松露木魚高湯茨汁， 蒸蛋入面加有鮮甜帶子及爽口菇類，口感香滑，味道豐富。真雪白刺身 - 白子口感香滑creamy, 師傅以辣椒蘿蔔、酸汁及香蔥作調味，令味道更鮮甜。剝皮魚 - 魚肉內混有魚肝醬，令味道更為肥美，再撒上蔥及紫蘇花，更添幾分獨特香味。油甘魚 - 爽滑腍身，表面加咗少少柚子，令味道更為鮮甜。鱆紅魚 - 表面稍用碳火燒過， 另加上柚子胡椒，爽滑得嚟帶有碳火味及少少胡椒辣味。鰻魚魚苗 - 剛食完味道比較濃嘅鱆紅魚 ，師傅特意以醋及蔥處理滑溜嘅鰻魚魚苗，味道酸酸地，相當清新，清一清味蕾繼續品嚐美食。BB吞拿魚 - 柔軟甘香，以紫菜包住食令口感更豐富。北海道毛蟹 - 以蟹膏拌勻一梳梳彈牙嘅毛蟹肉，味道不止鮮甜，更帶有甘香味。安康魚肝 - 汁煮的方法令軟滑的魚肝口感更滑更creamy，配上一片醃蘿蔔，更能帶出魚肝香味同時又增加口感。清酒煮蜆 - 帶點海水味的蜆肉相當新鮮，以
餐廳面積唔係好大，反而有利於師傅同食客邊食邊交流。師傅喺每上一道菜之後都會介紹食材特色、產地同製作方法加深食客嘅了解。
茶碗蒸 - 最上層係加有金箔嘅黑松露木魚高湯茨汁， 蒸蛋入面加有鮮甜帶子及爽口菇類，口感香滑，味道豐富。
真雪白刺身 - 白子口感香滑creamy, 師傅以辣椒蘿蔔、酸汁及香蔥作調味，令味道更鮮甜。
剝皮魚 - 魚肉內混有魚肝醬，令味道更為肥美，再撒上蔥及紫蘇花，更添幾分獨特香味。
油甘魚 - 爽滑腍身，表面加咗少少柚子，令味道更為鮮甜。
鱆紅魚 - 表面稍用碳火燒過， 另加上柚子胡椒，爽滑得嚟帶有碳火味及少少胡椒辣味。
鰻魚魚苗 - 剛食完味道比較濃嘅鱆紅魚 ，師傅特意以醋及蔥處理滑溜嘅鰻魚魚苗，味道酸酸地，相當清新，清一清味蕾繼續品嚐美食。
BB吞拿魚 - 柔軟甘香，以紫菜包住食令口感更豐富。
北海道毛蟹 - 以蟹膏拌勻一梳梳彈牙嘅毛蟹肉，味道不止鮮甜，更帶有甘香味。
安康魚肝 - 汁煮的方法令軟滑的魚肝口感更滑更creamy，配上一片醃蘿蔔，更能帶出魚肝香味同時又增加口感。
清酒煮蜆 - 帶點海水味的蜆肉相當新鮮，以清酒烹調就更鮮甜。
喜之次 - 魚油豐富，相當香滑，加點蘿蔔蓉一齊食可以解一解膩。
池魚 - 魚味濃郁，肉質爽滑彈牙。
北寄貝 - 口感爽脆，師傅將北寄貝的表面燒一燒令味道更有鮮甜好食。
塩燒拖羅 - 拖羅表面燒得香脆，油脂豐富肥美，入囗即化。豐富嘅魚油中和咗wasabi的辣味，所以食落唔覺辛辣反而食到wasabi的甜味。
太刀魚 - 喺日本屬高級食材，非常滑身，魚味重，師傅將表面稍為燒過，令食落更香口。
海膽杯 - 由太量馬糞海膽砌成嘅海膽杯，味道甘甜，質感細膩，有種入囗即溶嘅感覺。
拖羅反卷 - 反卷內嘅拖羅蓉肥美甘甜，師傅加上白蔥、芝麻、紫蘇及醃蘿蔔，令味道更加豐富，各種味道鮮明又融和，配合得相當好。
魚湯 - 以今餐嘅白身魚魚頭、魚骨等經多小時熬出嘅魚湯，膠質重，味道相當鮮甜。
最後食埋香甜嘅福岡蜜瓜，呢餐真係食得相當滿足!
張貼
