影片
更多
2019-12-11
949 瀏覽
午飯時間在黃藍地圖上尋找上環的餐廳，無意看見每次收工都想一試朋友推介下午茶的珍姐，次次好早就關門。見到三餸頭抽撈飯48蚊好抵，就叫左個好耐無食過的廚師腸、雞扒同埋煎雙蛋再免費加豬油。見有食評話伙計好唔友善，但係去到個個樣都好好人，好快手就整好個飯俾我，期間仲見到有熟客用自帶飯盒裝飯。攞外賣個刻好驚奇多左杯野，以為係豬油，返到公司先知係杯菊花茶，好開心，明明野飲要加錢。打開飯盒咬左啖煎左既廚師腸，真係好好味，隔離煎蛋一刮，啲蛋汁出哂黎好正。唯一不足既係，啲頭抽同豬油係底，如果倒係面會好味好多，唔會啲飯索哂頭抽，不過都唔咸，仲帶甜。整體黎講，午飯諗唔到食咩，都值得去珍姐買個三餸飯懷舊下，好想快啲試下佢下午茶啲小食。PS: 忘記影相掛住食
攞外賣個刻好驚奇多左杯野，以為係豬油，返到公司先知係杯菊花茶，好開心，明明野飲要加錢。打開飯盒咬左啖煎左既廚師腸，真係好好味，隔離煎蛋一刮，啲蛋汁出哂黎好正。唯一不足既係，啲頭抽同豬油係底，如果倒係面會好味好多，唔會啲飯索哂頭抽，不過都唔咸，仲帶甜。
整體黎講，午飯諗唔到食咩，都值得去珍姐買個三餸飯懷舊下，好想快啲試下佢下午茶啲小食。
PS: 忘記影相掛住食
張貼