影片
更多
2014-04-04
16754 瀏覽
以前都聽講過呢間嘢食物一般, 招呼又一般, 價錢都係一般, 唔通係地區性問題? 預早兩星期已經用TABLEMAP訂枱, 過兩日有餐廳職員打嚟confirm個booking, 我當時已經問係咪用tablemap有discount, 佢又要我比個唔知咩no佢, 問佢係咪book枱果個confirm#, 佢又話唔係, 又唔清楚, 會問下同事, 然後第日打返比我, 但一直都冇, 都食buffet當日, 我早午打嚟問同一個問題, 呢個就答話叫我print返張book枱記錄就得, 到去到食果陣, 個經理埋嚟問幾多位, 要mark數時, 我再問多一次係咪有discount, 佢又話冇, 我重覆由頭到尾講返一次成個故仔, 佢先好勉為其難咁做返個discount比我, 都唔知佢地有冇溝通? 激死, 未食已經一肚氣~ 開頭唔知係咪時間尚早? 六點半左右, 只得幾枱客仔, 而且全部都係人少少的, 所以覺得幾舒服, 拎嘢又唔駛同人爭, 慢慢行完成個圈先再拎食物都未遲............. 冷盤始終都係要嚟個冷盤打頭陣~ 佢魚生都係得四款, 我要咗其中三款(三文魚、希靈魚、立魚), 全部都好新鮮
開頭唔知係咪時間尚早? 六點半左右, 只得幾枱客仔, 而且全部都係人少少的, 所以覺得幾舒服, 拎嘢又唔駛同人爭, 慢慢行完成個圈先再拎食物都未遲.............
冷盤
始終都係要嚟個冷盤打頭陣~佢魚生都係得四款, 我要咗其中三款(三文魚、希靈魚、立魚), 全部都好新鮮, 而且都係厚切超正~
另外仲有d凍蝦、凍蟹、凍青口、凍帶子等, 望落都可以, 但我冇試勻, 所以不能下定論
仲有好多沙律配菜, 但我唔好, 所以冇掂過
熱盤
食完冷盤成個人凍冰冰咁, 當然要食返d熱嘢啦~ 雖然種類唔太多, 但好處就係可以食勻大部份~燒牛肉當然唔可以唔食啦~ 原本應該唔錯, 因為唔太血林林, 但又唔會好熟, 最可惜係佢竟然厚切, 我都係第一次食咁厚切, 通常薄切到差不多爛, 咪以為厚切好抵食, 原來係唔好食, 因為厚切咗變un, 簡直係嘥咗~
再試埋其他肉頪, 不過不失
至於蔬菜類仲少選擇, 已經比我食勻, 但味道般, 始終蔬菜類焗得太耐係會由好食變唔好食
仲試埋個中湯, 雖然味道唔算好濃, 應該都係真材實料煲, 因為可以見到有湯渣
甜品
抖咗一陣, 唔想又食肉, 所以先試甜品, 反而甜品種類算幾多, 當然唔可以食得哂, 但可以share食~雪糕當然唔可以唔食啦~ 佢係dryers, 但只得普通幾款味, 唔知點解呢度d雪糕溶得特別快, 同自己响超市買的唔同, 所以如果唔快d食, 就變咗飲奶昔
仲有好多cake同糕點, 大部份都係偏甜, 但間中食少少都可以接受~
生果都有幾多款, 特別在有d切咗皮, 有d冇皮, 真奇怪?
到咗差不多八點, 突然好熱鬧, 好多唔同國藉人士, 睇佢地應該係運動員, 似係打排球果d款, 佢地一嚟到就乜都拿嚟食, 仲要係用手就咁拎, 有d仲一路拎一路行一路食.................. 搞到我都唔想再拎果d嘢食, 唯有出去池畔睇下有乜燒烤好食...........
燒烤食品
個廚師係不停翻熱d食物, 而唔係即叫即燒, 全部已經燒好哂放响度比你夾, 放都放到凍哂, 當然你可以叫廚師幫你返熱, 味道都OK, 雖然大部份都係肉類, 冇乜海鮮, 但呢D食物都係唔好食咁多, 試過就算~清真食品
有一個角落係寫明清真食物, 當然款式唔多, 又全部都係肉, 我只係每樣夾咗少少嚟試, 好彩咋~ 因為大家口味唔同, 所以覺得麻麻地~飲品
有成兩部咖啡機比你即煑, 其次都係得水同茶加檸檬, 當然有冰比你整凍飲啦~
總括嚟講, 响沙田區, 呢間酒店都係次一等, 所以唔可以要求太高, 咁樣你就會覺得呢餐其實都ok架~
張貼
