一遊

營業中

休息中

八爪魚醋物($48)，酸酸尾尾開胃前菜，八爪魚色澤鮮豔，食落爽口有咬口，而且入味。三文魚魚鬆豆腐凍($42)，豆腐本身無味道，一般係配醬油一齊食，但店家採取用帶有鹹香既細小三文魚絲配合豆腐，可以帶出另一種新食法，豆腐非常滑，吸入口可以直落食道。刺身三點($280)，中拖羅、油甘魚腩、赤貝，刺身厚切，肉質口感非常好，油甘魚腩比我感覺係三款之中最頂級，油份高，入口軟綿綿。燒羊扒($68)，燒得唔錯，羊扒食落仍然有肉汁，而且羶味濃郁，醃製既香料好香口惹味。燒雞皮蝦($78)，店家創意出品，將大蝦既蝦殼剝左，然後再用已經去除左脂肪既雞皮包身蝦身，再去燒，令到蝦肉結實，雞皮脆卜卜。海膽蟹肉牛油果卷($180)，卷物有蟹肉絲，岩晒鐘意食蟹但又怕剝殼既我，海膽色澤吸引，無苦澀澀味，卷物內裏包住既係牛蒡，結實爽口可令口感層次更豐富。