黃埔小廚 (已結業)

黃埔小廚出名有鑊氣、帶有大排檔風味嘅粵式餐廳🍴，知道佢地嘅懷舊芝麻雞非常出名，今次黎到呢度，果然名不虛傳，食完真係舔舔脷😋仲有其他菜式都好好味，聽到廚房開爐炒菜嘅聲音，彷彿置身於大排檔一樣，當然唔少得黎枝吹啤啤手工啤酒🍻啤一啤啦，小菜同啤酒🍻係最佳拍檔呀嘛❤️懷舊芝麻雞🐔風乾過嘅雞皮非常薄脆，需要多重工序製作，再鋪上芝麻風乾，口感非常惹味，心機之作👍🏻雞肉帶有少少鹹味，第一次食芝麻雞🐔，原來咁正😍需提早預訂，好彩我地有訂到🤩聽到隔離有幾張檯落單時，同餐廳職員查詢落單。鐵板黑椒牛仔骨🐮上檯時仲可以聽到「滋滋」嘅聲音，牛仔骨煎香，配上黑椒，配啤酒🍻一流。配菜有洋蔥🧅、三色椒🫑，沾上牛仔骨煎香後的汁，香口美味。柚子蝦球🦐爽口彈牙的原隻蝦球炸過之後，沾上柚子汁，帶點酸酸甜甜嘅味道，十分開胃。估唔到隻蝦咁大隻，份量十足。椒鹽鮮魷🦑鮮魷🦑配椒鹽亦係配啤酒之選，炸粉非常簿，灑上椒鹽，鮮魷咬落不韌，令人忍唔住一直食。吹啤啤手工啤酒🍻夠薑🫚味道充滿濃郁的薑味，入口香滑。味道清爽易入口，幾適合女仔飲。蘋果西打🍻飲落帶點酸味，配上蘋果的獨特味道，都幾開胃。