葡匯咪走雞葡國餐廳

營業中

休息中

葡匯咪走雞葡國餐廳,搬咗新舖！港鐵佐敦站 D 出口, 步行約4分鐘即到。綠色門面以葡國雞做點綴，餐廳面積唔大，掛有葡萄牙國旗，牆上有主廚嘅相，是一間非常有葡萄牙氣氛嘅小酒館。佢哋招牌菜傳統葡國燒乳豬配肥仔炒飯需要預訂先有得食，可以揀1/4 隻、半隻或全隻，我哋今日都預先訂咗一份1/4隻燒乳豬飯。乳豬有4大塊，比想像中厚肉大塊，豬皮薄脆，豬肉入味，烤得好香口，炒飯份量唔算多，系用咗咸香同橄欖炒，另外配咗沙律菜，尤其鐘意佢哋提供嘅黑醋汁，酸咪咪好開胃。傳統蒜茸蝦，賣相出色，用鐵鍋熱辣辣呈上，有非常豐富嘅蒜茸，大蝦肉質脆爽彈牙。葡萄牙果汁黑醋燒豬骨，2隻起，棒棒豬骨啖啖肉，用黑醋上色，酸中帶甜，肉質唔錯。傅統木槺布甸葡式傳統甜品，賣相唔錯，口感層次豐富。