影片
更多
2024-12-30
734 瀏覽
跟住識飲識食嘅朋友嚟到專門食潮州菜嘅賀賀澤食好嘢，地方細細座位唔多，好似私房菜咁，每道菜式都精緻美味，好啱冬至、團年飯成班人嚟食。唔好話我唔提大家哦～記得要訂位！記得要訂位！記得要訂位😎潮州凍馬友👍賣相與味道值得比滿份，魚肉鮮嫩甘香，加埋普寧豆醬更提升鮮味。必食推薦！訂位時記得訂埋呢味菜🫶🏻滷水鵝片👍老闆話滷水包每日會更換，唔會用隔夜料包，加上用新鮮鵝肉浸滷水至入味後去骨上枱。用我哋嘅味覺食出40年潮州大廚功力！潮州炸三寶👍普寧豆腐配蝦夷蔥油、炸蟹棗配桔仔醬汁、炸花枝卷配潮州甜醬，炸物要好食必須要控制油溫夠功力。外皮脆卜卜，色澤金黃，無油淋淋，每款炸物都帶有自己獨有口感，再配上三款唔同醬汁，有心有誠意嘅作品❤️川貝海底椰燉烏雞湯足料鮮甜，滋潤美味，因其他餸菜太出色，覺得個湯好平淡🤔但就因為呢道滋潤嘅湯清一清味蕾，才可以繼續食其他好料。招牌三蔥焗龍蝦餐廳用上自己經營嘅海鮮檔嘅每日靚貨，今日有新鮮南澳龍蝦，大隻肉多配清清地芡汁，完美地食到龍蝦肉嘅鮮味。膏蟹蒸肉餅👍個人認為呢味餸都要係訂枱時🤝必要預訂🤝只因實在太出色！肉餅鬆軟，吸收曬蟹肉蟹膏嘅精華。肉餅、蟹膏和蟹肉火喉拿捏恰到好處🤤招牌脆皮
跟住識飲識食嘅朋友嚟到專門食潮州菜嘅賀賀澤食好嘢，地方細細座位唔多，好似私房菜咁，每道菜式都精緻美味，好啱冬至、團年飯成班人嚟食。唔好話我唔提大家哦～記得要訂位！記得要訂位！記得要訂位😎
潮州凍馬友👍
賣相與味道值得比滿份，魚肉鮮嫩甘香，加埋普寧豆醬更提升鮮味。必食推薦！訂位時記得訂埋呢味菜🫶🏻
滷水鵝片👍
老闆話滷水包每日會更換，唔會用隔夜料包，加上用新鮮鵝肉浸滷水至入味後去骨上枱。用我哋嘅味覺食出40年潮州大廚功力！
潮州炸三寶👍
普寧豆腐配蝦夷蔥油、炸蟹棗配桔仔醬汁、炸花枝卷配潮州甜醬，炸物要好食必須要控制油溫夠功力。外皮脆卜卜，色澤金黃，無油淋淋，每款炸物都帶有自己獨有口感，再配上三款唔同醬汁，有心有誠意嘅作品❤️
川貝海底椰燉烏雞湯
足料鮮甜，滋潤美味，因其他餸菜太出色，覺得個湯好平淡🤔但就因為呢道滋潤嘅湯清一清味蕾，才可以繼續食其他好料。
招牌三蔥焗龍蝦
餐廳用上自己經營嘅海鮮檔嘅每日靚貨，今日有新鮮南澳龍蝦，大隻肉多配清清地芡汁，完美地食到龍蝦肉嘅鮮味。
膏蟹蒸肉餅👍
個人認為呢味餸都要係訂枱時🤝必要預訂🤝只因實在太出色！肉餅鬆軟，吸收曬蟹肉蟹膏嘅精華。肉餅、蟹膏和蟹肉火喉拿捏恰到好處🤤
招牌脆皮 BB鴿👍
暫時喺香港食過最水準之一，我都懷疑係咪食緊新鮮即劏嘅BB鴿🫢點解可以咁好食？外皮夠香脆，肉嫩無臊味，骨軟到可以食埋🫨❤️
欖角鬆肉
鐘意食欖角嘅我….都要同呢味道餸講對唔住😂其他功夫菜太出色，你只能做配角😜
家鄉煎蠔烙👍
家鄉煎蠔烙用上全鴨蛋，外面乾身香脆，內裏帶少許蛋漿，蠔仔粒粒分明無過火，剛剛熟係最好食
方魚炒芥蘭
用咗芥蘭苗，再切剩最嫩部位，夠鑊氣夠咸香
潮州糖醋麵👍
麵身外脆內軟，帶少許調味。加唔加糖醋同食都咁好味
馬蹄片豆爽
傳統潮州熱食嘅糖水，綠豆口感綿密、甜而不膩、入口即化，感覺帶少許胡椒粉味。有清熱消暑作用，唔掛得知食咗咁多炸嘢無喉嚨痛。
腌新鮮沙皮梨
潮州老一輩定會食過，咸甜交集，梨肉爽脆，我第一次食就愛上。
張貼
