影片
更多
2019-02-04
2347 瀏覽
話說我食咗咁多次廚師發板，我都未食過號稱香港最出色嘅廚師發板，而呢間就係位於元朗嘅鮨文。鮨文主打係海膽同埋時令嘅海產，每一日都會由日本直接空運過嚟香港，保證新鮮。而今日我食嘅第一道菜就係美人珍蠔，蠔嘅size唔大，但係有極重嘅蠔味，配合酸汁蘿蔔蓉同埋小小嘅辣油，完全可以發揮出蠔嘅鮮味，食完仲會有種回甘香味。之後就係食唔同種類嘅刺身同壽司，包括油份好重嘅油甘魚加上柚子皮，十分清香。之後係網燒池魚，佢用水種芽蔥，清新得來不會太膩。至於omakase常見嘅白子天婦羅，佢用明太子嘅方式炸過，係我食過最好食嘅白子。中拖羅亦都有水準，入口即溶。跟住落來上嘅係海鰻魚苗，加上醋做調味，又清甜又鮮嫩。師博將魚骹位置燒香，一條魚只有兩件，十分珍貴，油份充足，甘香非常。至於鰻魚，平時我唔係咁鐘意食，因為我覺得有啲滯，但係佢用嘅京都鰻魚，生燒到脆皮，外層好似薯片咁脆，改變左我對鰻魚睇法，要一食再食。再來就有爽口嘅針魚加莓醬同埋水燙過嘅金目鯛，都係新鮮有口感。至於赤貝，師傅會將佢拍至收縮，加上橘子汁來食，有視覺味覺享受。呢段時間仲有松葉蟹，所以師傳將蟹子、蟹膏同蟹肉混和來做成壽司。再之後就有炭火網燒腦天同埋右口
鮨文主打係海膽同埋時令嘅海產，每一日都會由日本直接空運過嚟香港，保證新鮮。而今日我食嘅第一道菜就係美人珍蠔，蠔嘅size唔大，但係有極重嘅蠔味，配合酸汁蘿蔔蓉同埋小小嘅辣油，完全可以發揮出蠔嘅鮮味，食完仲會有種回甘香味。
之後就係食唔同種類嘅刺身同壽司，包括油份好重嘅油甘魚加上柚子皮，十分清香。之後係網燒池魚，佢用水種芽蔥，清新得來不會太膩。至於omakase常見嘅白子天婦羅，佢用明太子嘅方式炸過，係我食過最好食嘅白子。中拖羅亦都有水準，入口即溶。
跟住落來上嘅係海鰻魚苗，加上醋做調味，又清甜又鮮嫩。師博將魚骹位置燒香，一條魚只有兩件，十分珍貴，油份充足，甘香非常。至於鰻魚，平時我唔係咁鐘意食，因為我覺得有啲滯，但係佢用嘅京都鰻魚，生燒到脆皮，外層好似薯片咁脆，改變左我對鰻魚睇法，要一食再食。
再來就有爽口嘅針魚加莓醬同埋水燙過嘅金目鯛，都係新鮮有口感。至於赤貝，師傅會將佢拍至收縮，加上橘子汁來食，有視覺味覺享受。呢段時間仲有松葉蟹，所以師傳將蟹子、蟹膏同蟹肉混和來做成壽司。再之後就有炭火網燒腦天同埋右口魚裙邊嘅手卷，基本上係已經好飽。
當然鮨文最出名嘅係海膽，師傅先用普通海膽做了一個海膽軍艦比我哋食，我已經覺得十分出色，之後師傅話啱啱係日本拍賣左一板海膽，一板成四千幾蚊港幣，咁當然要試下，一試落去，超級creamy同清甜，試問點可以唔再來食！
飲飽食醉後食埋個清甜蜜瓜就離開了，希望好快再有機會再食喇。
張貼
