影片
更多
2018-05-31
156 瀏覽
聽同事介紹左咁耐，終於去了食倫哥私房火鍋。呢間深水埗倫哥地點比較難搵，可能由於我地平日夜晚去，所以人流唔算多，仲好，不用排隊入座，哈哈。我地叫了無限時任食海鮮火鍋，點餐時店員都會細心講解比你知一陣有咩食，原來係可以先食雞煲再打邊爐，感覺幾抵。點餐後，首先上的竟然是水果，店員說是開胃用，感覺幾特別，第一次係香港食火鍋會先上果盤。再上的是整整一大盤象拔蚌刺身，爽口彈牙，作為雞煲火鍋前的小食，簡直一流。之後來的是鮑魚炆花菇，無聽錯，真係有鮑魚食，雖然唔係幾頭鮑個種，但亦非常入味，很有誠意的食店。由於同事不太食得辣，所以我地叫了BB辣，啲雞好入味，肉質滑，而且唔夠的話還可以無限加雞，真係淨係食雞煲都抵。除了雞肉外，還有豬皮，土魷和牛柏葉，新鮮乾淨。食到咁上下，店員主動問我地要不要轉食火鍋，幾貼心，值得一讚。正當以為會直接用雞煲個個鍋去打邊爐的時候，店員竟然會幫我地重新上另一個蔬菜底的鍋，令人感覺呢間食店真係非常有誠意。跟住上的是海鮮盤，海鮮的用料也頗為新鮮，望落已經非常吸引。鑽石蜆同蚌幾鮮甜，最重要係無沙。本地蠔原來都幾出色，比想像中好食。至於蟹同魚肉就比較正路，不過不失啦。還有冰鎮手切牛非常
我地叫了無限時任食海鮮火鍋，點餐時店員都會細心講解比你知一陣有咩食，原來係可以先食雞煲再打邊爐，感覺幾抵。
點餐後，首先上的竟然是水果，店員說是開胃用，感覺幾特別，第一次係香港食火鍋會先上果盤。
再上的是整整一大盤象拔蚌刺身，爽口彈牙，作為雞煲火鍋前的小食，簡直一流。
之後來的是鮑魚炆花菇，無聽錯，真係有鮑魚食，雖然唔係幾頭鮑個種，但亦非常入味，很有誠意的食店。
由於同事不太食得辣，所以我地叫了BB辣，啲雞好入味，肉質滑，而且唔夠的話還可以無限加雞，真係淨係食雞煲都抵。除了雞肉外，還有豬皮，土魷和牛柏葉，新鮮乾淨。
食到咁上下，店員主動問我地要不要轉食火鍋，幾貼心，值得一讚。正當以為會直接用雞煲個個鍋去打邊爐的時候，店員竟然會幫我地重新上另一個蔬菜底的鍋，令人感覺呢間食店真係非常有誠意。
跟住上的是海鮮盤，海鮮的用料也頗為新鮮，望落已經非常吸引。鑽石蜆同蚌幾鮮甜，最重要係無沙。本地蠔原來都幾出色，比想像中好食。至於蟹同魚肉就比較正路，不過不失啦。
還有冰鎮手切牛非常高質，牛味濃，最岩食開牛的人！
還有必食的手打蝦滑，啖啖咬落去既都係蝦肉，好彈牙！
張貼
