影片
更多
2019-05-22
48 瀏覽
平時都會間中唔做食肉獸去茹下素，收工就經過去開清真寺又想食下啲印度野，唔想去重慶大廈就一於去亞士厘道望下有無岩，行唔夠半條街就見到indian vegetrain resturant 仲唔係你，價錢都未睇就上咗去。 入到去原來好多印度人同外國人係度食，都有8成滿，但空間好闊落，唔怕迫同嘈。 真係第一次食印度素食，menu 底印咗行咩食物代表咩素食，似乎印度人對素食都幾講究，我地純粹只係唔想食肉，所以就亂咁揀啦，選擇都好多元化，食印度野唔少得就係烤餅，煎餅，仲有飯，小食等等，我地就叫咗烤餅，炸磨菇，跟住見到隔離枱叫咗一盤飯入面好多細細碟嘅醬同餸之類嘅野就跟住點埋一份。 水呢度應該唔包嘅，但就有樽裝水可以開(收費的)，因為唔想浪費水樽所以我地唔飲水一陣飲返自己隨身水樽嘅水。 第一碟黎到嘅薩拉維亞套餐上到黎真係好得意，有十碗唔同味道嘅汁，由咖哩、酸辣、豆到乳酪都有(詳細自己睇返menu 啦)，而且有配飯加同2款共4塊薄餅，我地見印度人會落手拿起啲飯，我地唔識食就當佢平時啲飯或者薄餅咁加汁黎食，味道好豐富，炸餅同薄煎餅配合起黎各有風味，不過啲飯就唔似平時食開泰國米咁有米香同黏，係偏散同乾身嘅，
入到去原來好多印度人同外國人係度食，都有8成滿，但空間好闊落，唔怕迫同嘈。
真係第一次食印度素食，menu 底印咗行咩食物代表咩素食，似乎印度人對素食都幾講究，我地純粹只係唔想食肉，所以就亂咁揀啦，選擇都好多元化，食印度野唔少得就係烤餅，煎餅，仲有飯，小食等等，我地就叫咗烤餅，炸磨菇，跟住見到隔離枱叫咗一盤飯入面好多細細碟嘅醬同餸之類嘅野就跟住點埋一份。
水呢度應該唔包嘅，但就有樽裝水可以開(收費的)，因為唔想浪費水樽所以我地唔飲水一陣飲返自己隨身水樽嘅水。
第一碟黎到嘅薩拉維亞套餐上到黎真係好得意，有十碗唔同味道嘅汁，由咖哩、酸辣、豆到乳酪都有(詳細自己睇返menu 啦)，而且有配飯加同2款共4塊薄餅，我地見印度人會落手拿起啲飯，我地唔識食就當佢平時啲飯或者薄餅咁加汁黎食，味道好豐富，炸餅同薄煎餅配合起黎各有風味，不過啲飯就唔似平時食開泰國米咁有米香同黏，係偏散同乾身嘅，吸起汁黎唔會一pat。味道同口感都相當豐富，份量絕對足夠一個大男人食到飽。
另一道炸磨菇比我地想像中嘅唔同，係炸過嘅菇再翻炒返汁同配料，咬落脆得黎又唔太熱氣，而且咬落唔係一個個嘅菇，好味。
再黎就係烤爐薄餅，係厚身嘅薄餅黎，望到已經知道好食，而且好煙，就咁食都好食，配合埋炸蘑菇或者套餐嘅汁黎食都好味。
呢間印度素食比我地想像中好食而且好抵食，呢個份量兩個人食係有點兒太多添，飯同薄餅其實都真係好飽肚架，下次返黎再食就可以點少樣或者叫多啲人一齊黎食試多啲唔同嘅野食啦，因為佢地仲有好多唔同嘅野食慢慢試。
張貼
