影片
更多
2019-02-14
95 瀏覽
同朋友慶生梗係要食餐好嘅～長沙灣雖然係我地頭但其實都真係有好多穩世嘅好餐廳我未聽過同埋試過。今次朋友suggest 呢間餐廳我本身都唔知道，但質素真係拍得住好多係旺嘅地方出名嘅西餐廳～好特別嘅係，呢間餐廳除左有普通嘅西餐食物之外，仲有港式扒餐供應仲要價錢都係迫近港式扒餐嘅價錢，包左餐包，湯同埋野飲，真係豐斂由人。想食牛扒嘅我地最後決定叫左扒餐黎share下，因為佢嘅價錢同西餐menu 上嘅牛都差一大截～餐湯係西蘭花口味我都係第一次飲，味道幾清新，唔會太咸。非常欣賞呢度嘅餐包係牛角包，重本好多！不過個包唔係好夠熱，如果再翻熱多少少會更正～呢個扒餐真係夠晒抵！我覺得兩個人share一個餐都一定會夠飽！係兩大塊牛扒呀幾時見過一個扒餐會有咁多扒！所以呢個價錢真係超抵（雖然我唔知有冇低消）。下面仲有粗薯條，慳錢又想食好野嘅話真係好岩！我地個陣叫左5成熟，上到枱覺得已經有D太熟，所以可以叫低少少成數，因為鐵板都真係會令佢熟多好多。飲品我地叫左燉檸蜜。平時茶餐廳都未必有得叫，竟然係西餐廳叫到！可惜我唔記得影相，但佢係真係有煲過，同平時就咁熱檸蜜好唔同，好滋潤，岩晒我病緊嘅朋友！我地另外叫左一個薯條，
想食牛扒嘅我地最後決定叫左扒餐黎share下，因為佢嘅價錢同西餐menu 上嘅牛都差一大截～
餐湯係西蘭花口味我都係第一次飲，味道幾清新，唔會太咸。非常欣賞呢度嘅餐包係牛角包，重本好多！不過個包唔係好夠熱，如果再翻熱多少少會更正～
呢個扒餐真係夠晒抵！我覺得兩個人share一個餐都一定會夠飽！係兩大塊牛扒呀幾時見過一個扒餐會有咁多扒！所以呢個價錢真係超抵（雖然我唔知有冇低消）。下面仲有粗薯條，慳錢又想食好野嘅話真係好岩！我地個陣叫左5成熟，上到枱覺得已經有D太熟，所以可以叫低少少成數，因為鐵板都真係會令佢熟多好多。
飲品我地叫左燉檸蜜。平時茶餐廳都未必有得叫，竟然係西餐廳叫到！可惜我唔記得影相，但佢係真係有煲過，同平時就咁熱檸蜜好唔同，好滋潤，岩晒我病緊嘅朋友！
我地另外叫左一個薯條，因為我永遠都抵受唔到兩色薯條嘅誘惑，因為蕃薯條真係太好食啦唔駛點醬就咁食就已經好好食！佢有茄汁同蛋黃醬晒你，唔同人都岩食。仲要D薯條都幾大份，4個人share黎食都唔駛爭！
因為叫左扒餐，所以我地就叫左豬黎試下。呢個白豚斧頭扒睇圖就已經好吸引，上到枱係同圖片符合嘅份量都幾多，仲有唔少配菜係隔離可以解膩！我同朋友都一致認為呢個好出色。肉質好嫩滑，亦都好juicy，咀嚼緊嘅時候仲會慢慢滲出豬肉嘅香味，完全唔會膩。有時會覺得牛扒食得就會有D想停，但呢個斧頭扒完全唔會配菜都好入味，特別係D菇！
呢個大蝦濃汁海鮮扁意粉亦都好出色。佢嘅濃汁真係非常濃，充滿蝦味！而醬汁都好多，每條意粉都沾到！意粉口感好煙un，係我鐘意嘅口感。海鮮份量都算多，share黎食嘅話每人都可以分到at least 一種海鮮，名乎其實
飲品方面我地叫左杯奇異果特飲同埋鳳梨特飲。不過一開始我都冇睇清楚，原來個鳳梨唔係真係菠蘿，所以上到枱嘅時候我都嚇親點解係白色原來佢係椰汁飲品黎嘅！不過兩杯都唔錯，一路飲一路傾下計都好正！
張貼
