滿屋廚房 (已結業)

自從地鐵開通左之後，黃埔真係多咗好多嘢食，好似我放咗工都會過黃埔食完飯先搭地鐵返屋企。最近就發掘左一間新野，價錢唔貴，嘢食又唔錯，坐得又舒服坐低考慮完食乜嘢之後，要自己行去counter買，店員之後會送上枱。適逢就快Halloween，我哋都叫咗個套餐再散叫小食。第一眼見到就好想試呢個新加坡肉骨茶，藥材味唔太濃，排骨好淋夠晒入味，仲有脆卜卜嘅油炸鬼，配白飯一流。第二個充滿馬來西亞風味嘅就係炸雞排椰漿飯。雞扒炸到皮脆肉嫩，最特別就係個飯有椰香味，食落好開胃東南亞風味拼盤，細細件份量唔會太大，我覺得最好食係蔗蝦除咗嘢食飲品都有東南亞feel，龍眼冰夠滋潤。又唔會太甜仲叫咗個外型好cute, 味道好正嘅蛋撻，食完老公唔記得攞返個膠兜真係唔環保Halloween 餐個甜品確實幾有氣氛，特濃朱古力 tart 勁正, 士多啤梨慕士 yummy就算普通一件青檸蛋糕，賣相擺碟都好靚，下次 tea time 一於再嚟仲有好多特別嘅精品賣，啱晒 shopping 精的我。