活蘭印度素食

營業中

休息中

嚟到尖沙咀要搵嘢食，雖然款式應有盡有，但成日有種感覺「得個貴字」，點知今日就行咗去比較冷清嘅永安商場，搵到呢一間隱蔽嘅印度素菜餐廳，入面嘅伙計都係正宗印度人，我哋一行四人入到去都唔清楚有咩主打推介，所以決定見其他客人食咩就叫下，先講前菜，三份前菜有兩份都有乳酪，一份外乳好似咕嚕肉，配料有少少辣，非常入味！嚟到正菜，份北印度套餐有好多款唔同嘅醬料，仲配咗幾塊酥餅同飯，我哋仲叫咗份Paper Masala Dosa，類似一份大型炸春卷，中間空心嘅入面加咗薯蓉同一啲配料，薯蓉相對比較清淡，所以我地食塊炸皮時都會夾埋北印度菜嘅配料食，最後我地仲叫咗個印度雪糕試下，味道都幾特別，不過相信唔係個個都啱食，總括嚟講，呢一餐都算係特別嘅嘗試，而價錢亦非常親民，所以絕對值得推介！