影片
更多
2012-04-29
114 瀏覽
4月23號晚同一班老友記睇完達明一派o既last show, 唔驚唔覺已到o左11點半. 有朋友因為趕車落o黎紅館搞到成晚無o野落肚, 散場呢刻餓到咕咕聲; 加上大家都睇完show想搵個地方坐低飲o野吹水, 於是乎浩浩蕩蕩向著尖東出發, 搵間仲開緊門o既露天吧去滿足我地o既需要. 行o下行o下, 我地第一眼見到呢間「Nara Thai」有露天座位, 就好自然咁坐o左埋去哎o野飲哎o野食.呢度o既露天座位都唔少, 最多可以坐到廿幾人, 加上深夜時段人流較少, 完全適合我地無驅無束咁食o野吹水. 一坐低, 見到呢度有全城熱賣o既Hoegaarden, 我地個個立時精神哂! 除o左兩位朋友哎o左生力light之外, 我地每人都o黎1 pint “Hoegaarden” draft (見下圖):呢隻生啤好有質感, 入口甘醇之餘, 仲滲著淡淡o既橙皮清香, 到肚又唔會有太厚太heavy o既感覺. 朋友之中有幾位平時少飲啤酒o既女士, 都異口同聲話佢好好飲好易入喉. 我地一路食o野一路傾計, 呢1 pint真係唔驚唔覺好快飲晒! 如果唔係呢度比較早收舖, 我真係好想o黎多1 pint, 因為真
4月23號晚同一班老友記睇完達明一派o既last show, 唔驚唔覺已到o左11點半. 有朋友因為趕車落o黎紅館搞到成晚無o野落肚, 散場呢刻餓到咕咕聲; 加上大家都睇完show想搵個地方坐低飲o野吹水, 於是乎浩浩蕩蕩向著尖東出發, 搵間仲開緊門o既露天吧去滿足我地o既需要. 行o下行o下, 我地第一眼見到呢間「Nara Thai」有露天座位, 就好自然咁坐o左埋去哎o野飲哎o野食.
呢度o既露天座位都唔少, 最多可以坐到廿幾人, 加上深夜時段人流較少, 完全適合我地無驅無束咁食o野吹水. 一坐低, 見到呢度有全城熱賣o既Hoegaarden, 我地個個立時精神哂! 除o左兩位朋友哎o左生力light之外, 我地每人都o黎1 pint “Hoegaarden” draft (見下圖):
呢隻生啤好有質感, 入口甘醇之餘, 仲滲著淡淡o既橙皮清香, 到肚又唔會有太厚太heavy o既感覺. 朋友之中有幾位平時少飲啤酒o既女士, 都異口同聲話佢好好飲好易入喉. 我地一路食o野一路傾計, 呢1 pint真係唔驚唔覺好快飲晒! 如果唔係呢度比較早收舖, 我真係好想o黎多1 pint, 因為真係好好飲呀! 食o野方面, 我地本住無乜特別要求o既前提下, 哎o左 “泰式什錦小食拼盤” 同埋 ”泰式豬頸肉炒飯”, 想唔到有意外收穫! “泰式什錦小食拼盤” (見下圖):
新鮮熱辣上檯, 合共5款小食, 每款兩件, 包括:素菜春卷 - 外皮炸得鬆脆, 裡面o既芋頭餡充實, 比中式春卷好食得多. 點青檸醬味道一流!
炸蝦餅 - 金黃o既外皮同樣鬆脆, 蝦膠餡軟得o黎有趙口, 貨真價實之作.
煎魚餅 - 個餡好入味, 煎得入口甘香, 低調得o黎有水準.
蝦多士 - 個樣望落以為佢炸到又乾又硬, 食落口至知佢同其他炸物一樣, 外脆內軟, 蝦膠餡份量足, 佢係第一個驚喜!
香葉包雞 – 我仲以為呢粒細細粒係糯米飯, 一打開原來係啖淡肉o既青咖哩雞, 既的式又嫩滑, 係第二個驚喜!
呢個拼盤每一樣小食都做得相當出色, 令我地喜出望外, 愈食愈興奮. Yummy!
至於 “泰式豬頸肉炒飯” (見下圖):
上檯時熱騰騰, 香氣四溢. o的飯炒得好夠鑊氣, 材料充足, 豬頸肉粒粒甘香又大件, 作為正餐或消夜同樣咁正! 總結: 埋單每人大約HK$110, 其中唔少係去o左個Hoegaarden度. 呢點唔重要, 因為有好o既酒, 加埋水準咁好o既泰式食品, 又可以舒舒服服坐係度談天說地, 呢個價錢可以話係超值! 下次同朋友o黎尖東飲酒吹水, 不論日頭定夜晚, 都會揀番呢度.
張貼
