極上龍吟海鮮丼專門店 (已結業)

放假出咗去旺角花園街，本想買啲小魚返屋企養，行咗一陣冇乜深水 ; 就行咗去睇衫，再行咗一陣就天黑，咪順便搵嘢食。咁橋見到間好似個名好威水“極上龍吟海鮮丼專門店”決定入去試一試。先食過牛肉飯，驚食唔飽，不過細碗都好多。牛肉好靚，最緊要唔係肥膏多過瘦肉，而且個汁好惹味 ; 仲有麵豉湯同沙律選擇。每款都叫咗少少，酥炸生蠔鬆脆，天婦羅油甘魚好新鮮，炸雞都唔錯。特別推介 : 原隻軟殼蟹。唔係好多地方有原隻上，唔好以為原隻就是一隻攞去炸，佢哋 好細心，先斬件炸好，再切成原隻上碟。 又大隻又多膏。手捲都幾好，勝在夠新鮮，三文魚新鮮，紫菜脆卜卜又新鮮。因為啲嘢真係幾好食，雖然已經好飽，但係 決定再加一份鵝肝壽司，鵝肝甘香配上壽司飯，食完滋味在心頭。