影片
更多
2011-04-24
807 瀏覽
因有小朋友生日關係，所以今晚出街食，8個人諗來諗去…都唔知食乜好，結果衝口而出：「唉…唔好煩啦，食自助餐啦！」之後又衰多口講多句：「呢…青衣有間酒店食Buffet好平，又未食過，去囉？」結果…冇人反對…Deal！訂位前都幾不安，因為$158/位…擔心平冇好既定律，所以不斷睇開飯網個食評同食物照。得出來的結果…好似唔係咁得哦！算啦…將貨就價！6：15分到，一D都唔難搵(因為坐的士囉！嘻！嘻！)，戰戰競競咁入去；點解…咁多同胞響度呢？死啦…瀨o野！說時遲那時快，左邊一個黑影飛過；喔…原來係Cafe職員走過來問：P.S. 以下對話…原汁原味呢！職：「歡迎…請問有訂位嗎？」我：「唔該…我姓郭的，訂了七位加一個小朋友！」職：「唔…郭生，呢邊請！」入到餐廳坐好，望望四周，唔知係咪早到…定真係好似食評咁形容…咁差呢？全場得我地一家人囉！職：「你們好…需要幫你們擺好架BB車嗎？」我：「有地方擺嗎？」職：「有…不過走前記得通知我們，我們會拿給你啊！」心裡想…價錢咁平，一定冇招呼啦！但…又唔係呀！個職員…好用心囉！好…暫時放下心頭大石，搵食去也；P.S. 評分：(正)5、(好)4、(可)3、(不)2、(劣
訂位前都幾不安，因為$158/位…擔心平冇好既定律，所以不斷睇開飯網個食評同食物照。得出來的結果…好似唔係咁得哦！算啦…將貨就價！
6：15分到，一D都唔難搵(因為坐的士囉！嘻！嘻！)，戰戰競競咁入去；
點解…咁多同胞響度呢？死啦…瀨o野！說時遲那時快，左邊一個黑影飛過；喔…原來係Cafe職員走過來問：
P.S. 以下對話…原汁原味呢！
職：「歡迎…請問有訂位嗎？」
我：「唔該…我姓郭的，訂了七位加一個小朋友！」
職：「唔…郭生，呢邊請！」
入到餐廳坐好，望望四周，唔知係咪早到…定真係好似食評咁形容…咁差呢？全場得我地一家人囉！
職：「你們好…需要幫你們擺好架BB車嗎？」
我：「有地方擺嗎？」
職：「有…不過走前記得通知我們，我們會拿給你啊！」
心裡想…價錢咁平，一定冇招呼啦！但…又唔係呀！個職員…好用心囉！
好…暫時放下心頭大石，搵食去也；
P.S. 評分：(正)5、(好)4、(可)3、(不)2、(劣)1
六個字：「整齊…乾淨…衛生！」
海鮮：雖然只有蟹腳、煙三文魚、蝦同螺，不過…好鮮甜，蟹腳有海水味…正！冷盤：千島海鮮Salad(正)、芝麻海哲(正)、傳統Salad(好)、沙律蟹肉撻(正)、三絲鰻魚冷麵(可)！(掛住招呼家人，唔得閒影相！)
燒烤：燒牛仔骨(正)、燒魚塊(正)、燒蒜蓉大蝦(正)和炸餃子(好)！
熱盤：炸蕃薯球(好)、天婦羅(蝦、矮瓜和蕃薯)(正)、燒羊脾(正)、西蘭花花枝帶子(正)、紅酒炆牛尾拼牛舌(正)、香菜排骨(可)、香炸藕餅(好)、炒飯伊麵和中西湯(好)任君選擇…仲有蒜蓉飽(好)同小麥蛋飽(好)送！(掛住招呼家人，唔得閒影相！)
甜品：有影呀…自己睇啦！
雖然都唔係咁多款，但講真…真係好味，由其係圖7白色細細杯果樣，我食超過3杯啊！(唔止呢個數，不過…冇數到食了幾多！)唉…講漏o左；仲有雪糕同自助沖…冷熱咖啡奶茶同檸茶檸水，任君選擇！
時間一分一秒過去，餐廳越來越多客人，雖然只有兩個仕應同三個廚師，但…都沒有收唔切碟問題，而且每一個廚師都會站在食物旁悉心介紹同推介，真係好窩心…好專業的服務…超讚！
P.S. 我不是打手，也不是該酒店職員，只是一個業餘食家；覺得今餐整體質數好高，特此留言表揚！謝謝！
張貼
