影片
更多
2023-08-26
608 瀏覽
以前印象中鯉魚門海鮮都係呃人嘅，但朋友臨走前想去食海鮮，就唯有近近地去鯉魚門搏下啦～ 可能係食lunch時間所以去到海鮮街都冇乜人，響街頭附近見到呢間都光猛舒服，就入去試吓。一入到去啲姐姐都好好人，我哋問清楚加工費點計先，佢哋都好有耐性咁解釋清楚，呢度嘅加工費比起西貢同三聖邨仲抵，per head嘅海鮮低於$300就每位收$100加工費（我哋最後買咗三款海鮮總共$466，所以都係每位加工費$100）。之後我哋去咗旁邊嘅一樂也買海鮮，個老闆好好人又老實，提我哋唔好買瀨尿蝦話今日唔抵，揀鮑魚嗰陣又唔會亂叫我哋搵最大嗰種，全程都服務態度良好唔會因為我哋得兩個人幫襯得少就黑面。除咗海鮮之外，我哋仲叫咗咕嚕肉，呢個都係佢哋嘅招牌菜出色。我哋食到一半有隻烏蠅land咗落去，姐姐見到即刻幫我哋換過一碟新嘅，仲係咁say sorry(間餐廳其實好乾淨，只係咁啱有一隻烏蠅）。第一樣係酥炸元貝，嗰炸粉超鬆脆，隻元貝雖然唔係好厚身，但佢炸到啱啱好非常嫩口😋之後係陳皮蒸鮑魚，我哋唔係叫最大嗰種鮑魚，但係已經超厚肉，個廚師蒸嘅時間掌握得啱啱好，加埋個陳皮豉油，成個口都充滿鮮味😍最後係最期待嘅油鹽焗奄仔蟹，海鮮舖
可能係食lunch時間所以去到海鮮街都冇乜人，響街頭附近見到呢間都光猛舒服，就入去試吓。一入到去啲姐姐都好好人，我哋問清楚加工費點計先，佢哋都好有耐性咁解釋清楚，呢度嘅加工費比起西貢同三聖邨仲抵，per head嘅海鮮低於$300就每位收$100加工費（我哋最後買咗三款海鮮總共$466，所以都係每位加工費$100）。
之後我哋去咗旁邊嘅一樂也買海鮮，個老闆好好人又老實，提我哋唔好買瀨尿蝦話今日唔抵，揀鮑魚嗰陣又唔會亂叫我哋搵最大嗰種，全程都服務態度良好唔會因為我哋得兩個人幫襯得少就黑面。
除咗海鮮之外，我哋仲叫咗咕嚕肉，呢個都係佢哋嘅招牌菜出色。我哋食到一半有隻烏蠅land咗落去，姐姐見到即刻幫我哋換過一碟新嘅，仲係咁say sorry(間餐廳其實好乾淨，只係咁啱有一隻烏蠅）。
第一樣係酥炸元貝，嗰炸粉超鬆脆，隻元貝雖然唔係好厚身，但佢炸到啱啱好非常嫩口😋
之後係陳皮蒸鮑魚，我哋唔係叫最大嗰種鮑魚，但係已經超厚肉，個廚師蒸嘅時間掌握得啱啱好，加埋個陳皮豉油，成個口都充滿鮮味😍
最後係最期待嘅油鹽焗奄仔蟹，海鮮舖老闆真係冇呃人，佢話唔靚包換，蒸出嚟隻蟹爆曬膏，仲要充滿油香，超級幸福呀🥰
我見隔籬枱10幾個人，有椒鹽瀨尿蝦、象拔蚌刺身同埋墨魚，超正！下次都要多啲人嚟食多幾樣嘢！
張貼
