小田田主題餐廳 (已結業)

有水準之餐廳睇咗TVB宣傳豬手好吸引，隔晚有時間即刻諗住去，晏晝先探下路，位置好方便，揸車或搭地鐵都得。當然，帶埋小狗去就選擇揸車，門口又泊到車，一落就去坐定定。自己揀選豬手餐配藍海洋，老婆食鰻魚蛋包飯配紅太陽，甜品紫薯心太軟。豬手出乎意料之好，諗住廣告宣傳信5成，點知真係堅，唔係好肚餓真係食唔晒，鰻魚蛋包飯好滑又香，心太軟唔太甜，味道恰到好處。新店嚟講算係水準之上，無團購都唔貴，抵食。