影片
更多
2022-01-13
322 瀏覽
週末經過呢間Cafe見到爆曬棚，今日Work from Home經過見到冇人就即刻入去試，惡夢就咁開始….入到餐廳覺得環境唔錯，坐低之後睇餐牌決定食咩出去落餐。叫咗一個all day breakfast, 炸牛油果條同埋自製蕃茄肉醬意粉。呢個位其實發生咗啲awkward嘢，落完單職員話喺度俾埋錢，職員講完個價錢佢突然間問我係咪住將軍澳附近如果係有折，我就話係呀喺將軍澳住，跟住見到佢同廚房一個職員定唔知老闆講咗幾句。到俾錢嗰陣佢再repeat一次個價錢點知同頭先一模一樣，我就問佢唔係有折咩？佢竟然答我「唔係呀」….Anyway算啦本身都冇預有折，但已經覺得佢講完又冇同我交代番發生咩事有啲怪之後嘢食到，先嚟咗個all day breakfast, 味道正常冇特別話難食，只係個蘆筍好多渣。炸牛油果條都係一樣，唔係特別好食戲肉係個意粉，一嚟到我見到佢脹到好似浮屍咁已經覺得有啲唔對路，一食落去完全冇味，免治肉鞋口…. 仲要啲意粉嘅Texture 好奇怪完全唔識形容總之就係令人冇食慾….考慮咗好耐終於都決定問下職員，我都唔想冇禮貌，就問佢「唔好介意我想問吓你哋個意粉平時係咪都係一樣，定係今日ove
入到餐廳覺得環境唔錯，坐低之後睇餐牌決定食咩出去落餐。叫咗一個all day breakfast, 炸牛油果條同埋自製蕃茄肉醬意粉。
呢個位其實發生咗啲awkward嘢，落完單職員話喺度俾埋錢，職員講完個價錢佢突然間問我係咪住將軍澳附近如果係有折，我就話係呀喺將軍澳住，跟住見到佢同廚房一個職員定唔知老闆講咗幾句。到俾錢嗰陣佢再repeat一次個價錢點知同頭先一模一樣，我就問佢唔係有折咩？佢竟然答我「唔係呀」….
Anyway算啦本身都冇預有折，但已經覺得佢講完又冇同我交代番發生咩事有啲怪
之後嘢食到，先嚟咗個all day breakfast, 味道正常冇特別話難食，只係個蘆筍好多渣。炸牛油果條都係一樣，唔係特別好食
戲肉係個意粉，一嚟到我見到佢脹到好似浮屍咁已經覺得有啲唔對路，一食落去完全冇味，免治肉鞋口…. 仲要啲意粉嘅Texture 好奇怪完全唔識形容總之就係令人冇食慾….
考慮咗好耐終於都決定問下職員，我都唔想冇禮貌，就問佢「唔好介意我想問吓你哋個意粉平時係咪都係一樣，定係今日overcook咗？同埋除咗煮過龍，個味道都有啲古怪」
職員嘅反應係即刻走去同頭先話唔俾折我嗰個人講咗幾句，又走咗去隔離枱問咗幾句，之後就返嚟問我介唔介意試一啖，我話唔介意佢就收走咗我碟意粉。喺佢收走嗰陣其實我話我想問如果可以嘅話可唔可以轉第二樣，佢完全冇回答
跟住落嚟我完全唔知發生緊咩事，自從佢收走咗點意粉冇同我講過一句野，到我決定想再問而家究竟情況係點嘅時候，廚房裏面嗰個女人整咗一碟新嘅意粉出嚟…
我本來想轉其他嘢食，既然佢又無視我，新果碟點又擺咗喺我面前，我唔想浪費就決定鼓起勇氣再試一次，個意粉只係硬身咗好少，味重咗啲似落咗鹽，其他嘢同之前嗰啲一模一樣我食咗兩啖就決定離開
我想講其實你轉唔轉俾我或者你換唔換個碟新嘅俾我都唔係重點，問題係點解你唔聽下客人到底想點？完全冇再問我哋意見零溝通，當我離開嗰陣佢都冇同我講過一句嘢
總結我唔覺得佢有心改善食物，收咗錢求其比啲嘢你見你有意見就再整，完全無視客人意願。到最尾我終於明白點解佢要收咗錢先😓
自製番茄肉醬意粉
$78
9 瀏覽
0 讚好
0 留言
張貼
