鮪世市場 (已結業)

今日同朋友去鮪世市場，店鋪位於將軍澳。，都尚算新，用點餐紙點餐，大部分都係刺身壽司。首先上壽司，有火炙三文魚腩壽司、活赤貝壽司、特大赤海蝦壽司，三樣都好靚，有光澤，晶瑩透亮，咬落非常彈牙，好鮮味。火炙鵝肝壽司，唔算係傳統壽司，別樹一格。但鵝肝烤至恰好熟，大大塊，入口即融，舌尖充滿豐富滋味。跟住到本次重點——中本鮪魚腩丼，肉眼可見好足料！有鮪魚腩、三文魚子、玉子、蔬菜，顏色鮮豔，令人食欲大增！一口飯配上刺身，簡直令人眼前一亮。火炙左口魚裙邊壽司、火炙帆立貝壽司，為今次美食之旅做總結，鮪世市場麻雀雖小，食物同環境都水準唔錯，坐得耐，下次會同朋友再黎試試。