沙田頭火鍋 (已結業)

招牌火鍋湯底推介:特製沙嗲湯&芫荽皮蛋湯。可以揀鴛鴦鍋。沙嗲湯好足料越煮越濃郁，唔會辣。芫荽皮蛋就比較清淡。一個濃味，一個淡味，隔住咁淥，2個簡直係perfect match。安格斯肥牛牛小排賣相已經好好，大理石紋路，肥瘦均衡，特別係啲油花，忍不住encore !西班牙黑豚肉外表肥美油脂分布勻稱，食落口感柔嫩，肉味香濃，同一般豬肉完全無可相比。手打丸好高質，特別係墨魚丸，必食！鮮蝦丸每一粒都有隻原整蝦喺裏面。鯪魚丸一啲都唔會腥。豬肉丸嘅豬味好突出。自家製嘅雲吞、水餃、韭菜餃，想試新嘢嘅可以試吓竹笙鮮蝦，全部餃皮薄，每粒好飽滿，大大粒。呢間火鍋店賣自家手打嘅丸、自家包嘅餃子，真係買少件少，一定要支持呢啲咁有心嘅店！火鍋配料如蜂巢豆腐、豬皮、蓮藕，每一口都吸晒湯嘅精華🤪減低罪惡感當然要叫返個雜菜拼盤。有大概5款時令嘅蔬菜🥬非常豐富！