美食園林餐廳 (已結業)

今晚同班舊同學齊齊聚下食晚飯~之前朋友黎過呢間食下午茶, 見到餐牌好多野食, 就提議黎試下晚飯小菜~起初, 我諗住”茶餐廳”既海鮮唔會好好食, 但點知….有意外收獲! 原來都好好味架喎! 我地一行6人, 叫左:1)蒸大魚: 我本身對魚麻麻地, 怕腥….但呢條魚真係好滑好味!2)上湯開邊蝦: d蝦好大隻! 好fresh! 3)啫啫雞煲: 用石碢炆得好入味! 4)豉椒炒蜆: 呢味真係要特讚啦, 夠大碟夠入味, 仲好味過響西貢既海鮮酒家既味道!5)干炒牛河: 都ok啦, 唔太油, 正常味道~6)金銀蛋莧菜: 正常味道7)炸生蠔 (唔記得咩菜名): 呢味好似唔係成日有, 但煮法好特別, 我個同學本來唔食生蠔都食左隻!8)汽水飲品: 我地主要飲罐裝汽水, 不過如果有coke light/ coke zero選擇就好了….個餐牌仲有好多其他小菜未試, 我地班同學諗住下次聚會再去幫襯!