影片
更多
2007-12-21
14 瀏覽
我地叫咗兩個SET DINNER, 首先嚟嘅係4件法包...好有品味咁放咗喺用紅色餐巾摺成嘅盒仔內,食落都OK, 但一睇個餐巾盒嗰底, 竟然有好多芝麻同埋麺包碎,法包何來芝麻呢? 即係話條餐巾係用完再用喇, 又唔清潔下, 認真嘔心!忌廉湯飲落勁似用罐頭湯開嘅...主菜係龍蝦同埋牛仔扖 (落單時冇問我地要幾成熟, 好唔專業).等咗起碼30分鐘終於上菜喇, 竟然碟菜只係微溫....龍蝦涷嘅都仲可以食呀, 想像下块牛仔扖基本上係全熟WELL DONE 仲要涷嘅,你話有幾難食呢?連最後杯咖啡都難飲過人, 真係佩服得五體投地. 最搞笑係個侍應上菜時問我地係唔係叫咗個豬扖,我地回應佢係牛仔扖時, 佢即刻又改口話碟扖係牛仔扖.....唉......食完真係有啲畀人揾笨嘅感覺!
忌廉湯飲落勁似用罐頭湯開嘅...
主菜係龍蝦同埋牛仔扖 (落單時冇問我地要幾成熟, 好唔專業).等咗起碼30分鐘終於上菜喇, 竟然碟菜只係微溫....龍蝦涷嘅都仲可以食呀, 想像下块牛仔扖基本上係全熟WELL DONE 仲要涷嘅,你話有幾難食呢?
連最後杯咖啡都難飲過人, 真係佩服得五體投地. 最搞笑係個侍應上菜時問我地係唔係叫咗個豬扖,我地回應佢係牛仔扖時, 佢即刻又改口話碟扖係牛仔扖.....唉......食完真係有啲畀人揾笨嘅感覺!
張貼