影片
更多
2024-12-07
1635 瀏覽
聽朋友介紹呢間私房菜啲水準好高，一於訂枱今晚黎食下。無咩頭緒食咩，就叫職員推介，叫左以下的食物：群龍歸巢一上枱就好有氣勢，龍蝦做左兩食，分別有六杯金箔龍蝦肉蒸蛋白，龍蝦肉好爽口彈牙，蛋白蒸到Keep到好滑；另外做左炒龍蝦，龍蝦先炒再後炸一炸，做到好惹味。蟲草花燉雞湯呢個湯好足料，有蟲草花、雞、瘦肉，仲有螺肉，冬天飲完好暖胃。香酥脆海鰽將整條海鰽魚起肉，炸一炸再同所有配料（黑木耳、西芹、紅椒、腰果）一齊再兜炒，魚肉好嫩，鮮味十足，份量好多。XO醬炒雙蚌用XO醬炒好惹味，啲蚌好爽脆，仲用咗蘆筍嚟做配菜，更加增添個口感。豉椒蟶子飛天麵一上枱見到同佢個名一樣，個麵真係飛起左上去🥰🥰個麵炸到脆卜卜，加上好夠味的豉椒炒蟶子，呢個配搭冇得輸。番薯糖水冬天飲真係好正，好夠薑味，飲完個人暖笠笠。見到午市精選套餐餐牌，都係$88-$98，仲要免收茶介加一，下次午市黎試吓先。呢度啲食物真係好高水準，職員服務態度又好，真心推介，幾個朋友一齊嚟食係最好，可以試多啲唔同嘅菜式。
無咩頭緒食咩，就叫職員推介，叫左以下的食物：
群龍歸巢
一上枱就好有氣勢，龍蝦做左兩食，分別有六杯金箔龍蝦肉蒸蛋白，龍蝦肉好爽口彈牙，蛋白蒸到Keep到好滑；另外做左炒龍蝦，龍蝦先炒再後炸一炸，做到好惹味。
蟲草花燉雞湯
呢個湯好足料，有蟲草花、雞、瘦肉，仲有螺肉，冬天飲完好暖胃。
香酥脆海鰽
將整條海鰽魚起肉，炸一炸再同所有配料（黑木耳、西芹、紅椒、腰果）一齊再兜炒，魚肉好嫩，鮮味十足，份量好多。
XO醬炒雙蚌
用XO醬炒好惹味，啲蚌好爽脆，仲用咗蘆筍嚟做配菜，更加增添個口感。
豉椒蟶子飛天麵
一上枱見到同佢個名一樣，個麵真係飛起左上去🥰🥰個麵炸到脆卜卜，加上好夠味的豉椒炒蟶子，呢個配搭冇得輸。
番薯糖水
冬天飲真係好正，好夠薑味，飲完個人暖笠笠。
見到午市精選套餐餐牌，都係$88-$98，仲要免收茶介加一，下次午市黎試吓先。
呢度啲食物真係好高水準，職員服務態度又好，真心推介，幾個朋友一齊嚟食係最好，可以試多啲唔同嘅菜式。
張貼
