影片
更多
2018-05-09
390 瀏覽
平時係將軍澳覓食都唔知道呢到原來有間火鍋放題覺得好新奇就同朋友去試下估唔到寶琳邨都有咁出乎意料之外既火鍋放題呢到好大好多空間相比平時任食打邊爐食肆環境更光猛同乾淨顏色好warm比人一種好舒服既感覺而呢到有一個值得一讚既地方每個位置都有指示分左唔同區咁就唔怕叫朋友拎野會去錯 落左餐一陣就已經送野食好有效率不過我地未開爐就有大大件花膠同冬菇食真係過足口癮配埋個汁食落都真係唔錯 套餐有好多款唔同既牛肉好有口福牛肉睇落新鮮紅卜卜咁食落肥肥地口感幾好同埋夠哂薄兩三下就熟牛肉之中最推薦極上牛肉同雪花牛肉極上牛肉類似平時買開嘅肥牛但係就更有牛肉味雪花牛肉就比較少脂肪而且牛肉味更重要預短啲時間煮 而金錢展食落啲肉好林身不過啲跟腱位就好爽口食落有兩重滋味不過金錢展放落爐好快就會縮成一舊最好用筷子夾實或者用個撈裝住 另外海鮮亦係呢到既重點有好多唔同既選擇虎蝦唔算好大隻不過好新鮮滾到變色就拎上黎食好彈牙不過虎蝦冇用竹籤叉住如果唔識用口剝殼既話就要用手喇 而魷魚咬落爽口彈牙Feel到裏面有汁爆出黎好過癮 食完點餐紙上既唔同野食之後再去自助配料區拎唔同既野食選擇都好多丸、菇同菜都有好多最意想不到既係呢到有小籠
平時係將軍澳覓食都唔知道呢到原來有間火鍋放題
覺得好新奇就同朋友去試下
估唔到寶琳邨都有咁出乎意料之外既火鍋放題
呢到好大好多空間
相比平時任食打邊爐食肆
環境更光猛同乾淨
顏色好warm比人一種好舒服既感覺
而呢到有一個值得一讚既地方
每個位置都有指示分左唔同區
咁就唔怕叫朋友拎野會去錯
落左餐一陣就已經送野食
好有效率
不過我地未開爐就有大大件花膠同冬菇食
真係過足口癮
配埋個汁食落都真係唔錯
套餐有好多款唔同既牛肉好有口福
牛肉睇落新鮮紅卜卜咁
食落肥肥地口感幾好
同埋夠哂薄兩三下就熟
牛肉之中最推薦極上牛肉同雪花牛肉
極上牛肉類似平時買開嘅肥牛
但係就更有牛肉味
雪花牛肉就比較少脂肪而且牛肉味更重
要預短啲時間煮
而金錢展食落啲肉好林身
不過啲跟腱位就好爽口
食落有兩重滋味
不過金錢展放落爐好快就會縮成一舊
最好用筷子夾實或者用個撈裝住
另外海鮮亦係呢到既重點
有好多唔同既選擇
虎蝦唔算好大隻
不過好新鮮
滾到變色就拎上黎食
好彈牙
不過虎蝦冇用竹籤叉住
如果唔識用口剝殼既話
就要用手喇
而魷魚咬落爽口彈牙
Feel到裏面有汁爆出黎
好過癮
食完點餐紙上既唔同野食之後
再去自助配料區拎唔同既野食
選擇都好多
丸、菇同菜都有好多
最意想不到既係呢到有小籠包同餃子
打邊爐食小籠包好得意
小籠包仲好好食皮薄餡靚
仲有小籠包既精華湯汁
呢到既飲品亦要讚一讚
有好多款唔同既飲品
孤陋寡聞既我好多都未見過
所以好滿足咁飲左好多唔同款
飲啤酒既話仲可以暢飲
一班人近近地咁打邊爐聚一聚
真係好開心
張貼
