薄餅怪獸

營業中

休息中

黎到土瓜灣，都係舊區唔知有咩好食，朋友話有間pizza幾好食。今日黎開，即管就試下。舖頭係正馬頭圍道大街，好易搵。早早入到去，好在冇咩人，等我地叫齊野食，竟然都坐滿人啦，果然係有啲睇頭。今次叫左個2人套餐，都好抵，套餐有個中size pizza, 2款主食式小食，再有2杯野飲。份量好唔錯。Pizza有好多選擇，我地就叫左個多年批，貪佢咩都有。佢唔似一般既pizza舖，餅底大過餡，佢啲嘢都係爆多，我地已經叫左個厚批底，都放唔晒啲餡，真犀利。另外叫左焗肉丸拼香草腸，感覺冇想像中咁咸，都唔錯。仲有點左肉醬寬條麵，意外地唔係太多醬勁漏個種。可能係我自己怕太濕爆醬既意粉，佢而家呢個份量又ok好食。佢既飲品值得讚既，淨係見佢用既梗就抵讚啦。不過不失，飲得過。