美好

營業中

休息中

前兩日又嚟咗美好，今次唔食車仔麵，食佢d炒粉麵。叫咗個揚州炒飯同星洲炒麵。炒嘢要等一陣，飯就快少少。佢炒飯好大兜下，都好足料，夠鑊氣，唔油夠乾身。星洲炒米嚟到都幾好樣，一食落口，咦？咁咸嘅？食咗兩啖，頂唔順，膽粗粗去同個比餐阿姐講好咸喎。佢真係叫廚房換比我，仲教我下次叫“走色”之後又有碟新嘅星洲炒米，今次咸淡啱啱好喇，都係夠鑊氣又夠香嘅。炒粉麵嚟講呢度做得唔錯丫，重點係我話咸佢有得比我換，呢點都幾喜出望外。