Pancake 專門紗織 (已結業)

今日朝早做嘢做遲咗 冇得食早餐🙈 不過比我見到呢間係我屋企附近嘅日式餐廳 可以食全日早餐！唔係唔去試吓呀嘛🥰餐廳嘅環境佈置好日式風格 除咗全日早餐之外 呢度主打pancake 亦都會有輕食、甜品等 不過今日我係衝着早餐泥😂下次先試下佢哋其他菜式！全日早餐 (韓國大肉腸，薯餅，溫泉蛋，茄汁豆，烤芝士大菇，薄餅，沙律菜)店員一拎上枱 好有驚喜估唔到咁大份 好彩我都唔算細食😂食物非常豐富好新鮮全日早餐亦都有班戟可以食 口感鬆軟 充滿蛋香 班戟鬆軟得來唔會好乾 不愧為班戟專門店！除此之外 要讚下佢哋嘅薯餅 薯餅好香脆 唔會好油膩 亦都好大塊👍🏻茄汁豆好新鮮 同薯餅一齊食都好夾！下次放lunch一定要再過嚟試吓呢間班戟專門店！食下啲班戟甜品做下午茶都唔錯 價錢方面唔貴 食物高質素！