順．和の味 (已結業)

好朋友星期一約了我提前吃生日飯，她選了這間日式餐廳，提早幾天訂座，朋友12:30准時到達，即時入座。環境唔錯，不過枱與枱距離較近，我和鄰座枱只有一吋距離，中間有膠板。如果疫情嚴重時我應該不會幫襯。因以這價位的餐廳，我可以選一間枱與枱距離較闊的餐廳。之前睇食評服務好差，有晒心理準備。點知唔係喎!服務好好呢!因我遲了十分鐘，朋友幫我order的食物已到，店員用碟幫我蓋住烏冬。我一坐底，又幫我拿走隻碟。還即時問埋我要咩餐飲。我們食飽飽時黎個港女生日自拍，我們用飲品杯頂住電話自拍，店員見到，即時幫我們換一個樽幫我們頂住電話，真細心的服務啊!講返食物，我的牛肉八成熟，有牛味，唔鞋。但可能因湯底過咸，吃到後半，烏冬也偏咸。份量算多，女仕未必食得晒。朋友的鷄肉mix了些軟骨，好有咬口。流心蛋+日本米也好味。朋友好欣賞那個綠色的前菜，好似海藻類，我也覺得味道幾清新。蒸蛋、沙律、湯和甜品正常發輝。整體食物和服務都唔錯。